1月31日 ~ Cool.....

Today is Cool...真係好凍呀,好彩亞Pat比我嘆一陣暖氣先返工,好過冇啦,仲要著埋衫衫,咁先至冇咁Cool咋....

1月30日 ~ 打掃日

個廚房好多油漬...同埋d窗窗好多點點...係時候清潔一下啦...好心你地唔好咁懶...就黎新年啦...好彩個ee肯黎幫手抺抺...你抺窗要小心呀...最緊要安全第一...三粒鐘可能都唔夠wor...得閒再黎抺啦...唔該晒!!!

1月29日 ~ 型仔背心

亞Pat見天氣凍左咁多，今日行街順便幫我入貨，買左件黑色雙面夾綿背心比我．．．仲係日本Florucci Italy出品，又型仔可以兩面著，價錢又OK...如果襯埋條Jeans仲潮爆．．光光都投訴佢d衫都唔及我d型bor...wakakaka！！！

1月28日 ~ Bread without Butter

呢個包包都幾似亞Pat食開果d...不過點解冇牛油嫁...同我加返d butter la....唔該晒!!!

1月27日 ~ 補償

佢地今日冇同我去威，所以有少少補償返比我．．．就係我既至愛新鮮雞雞．．．真係超好味．．．咁我情願食雞雞多過去街街啦！！！

1月26日 ~ 睇比賽

由於要介去郊區，咁我今日跟亞Pat光光去打table tennis,加油呀光光，睇到我好興奮．．攪到好想咬住d波波，光光一有得玩就成個細路仔咁．．．你地邊隊嬴呀．．．好啦走啦夠鐘食日本菜，公公樓下有間新開即日本餐廳味道都唔錯，表弟食到lam lam利添．．．你地快d食完輪到我食飯同食藥藥呀！！！

1月25日 ~ 我病病呀

我最近有少少唔c服,唔肯食舊糧，但新糧就肯食，仲有鼻鼻圍邊好乾同變白左，同埋流出少少白色鼻涕．．．所以亞Pat決定帶我去睇vet,仲有S ee陪,因佢今日黎探我．．．
上一上磅先，得返6.8kg，輕左少少，因為轉緊新糧，亞Pat唔敢比我食太多．．．之後探熱就成身震晒．．醫生話唔似冷親因冇發燒，淋巴有少少腫所以應該係感染．．．要食藥藥，同埋而家抵抗力弱最好唔好去公園聞草地,cafe,行山同淋兩．．．咁我呢個星期六日咪冇街去！！！連亞Pat光光都鄧我慘慘...不過落雨都冇咩地方去，算啦我會乖乖快d好返，天父知我乖會保佑我嫁啦，大家唔洗擔心，唔該晒！！！

1月24日 ~ 邊個病病？

點解有咁多藥藥．．．邊個病病呀．．．亞Pat你咁早返一定係你啦，食左藥好好休息下啦！！！

1月23日 ~ 等門

我等等等．．．等下等下已經唔經唔覺瞓著左．．．光光你幾時返呀？？？

1月21日 ~ 吹毛的技巧

唔講你唔知，而家光光已經掌握叻左吹兩邊面毛唔易繞起既技巧啦,真係叻boy啦...同埋今次都隔左成二十五日先至沖涼，真係勁呀，但又唔覺d毛毛好立同好臭wor，應該係上次係犬工房沖涼keep到咁好至真！！！

1月20日 ~ 山頂港島一日遊

今日天氣超好，最岩係行山頂啦，亞Be我地去食breakfast & lunch,食飽開始行山山啦，見亞Be咁叻叻可以自由行，咁光光先可肯比我放繩行山路，好彩我既表現都好乖，真係好似冇以前咁跩boy...所以我知亞Pat同光光好開心見到我一次一次咁進步呢．．．
後尾仲去左個公園仔休息，不過係佢地休息，我同亞Be繼續"song" run...又撞到一隻白威女snow snow，我地又一齊玩玩．．．真係開心屎．．．好啦仲要行埋另一半既路程，之後要落山去中環食蘭芳園，聞名不如試試．．食飽左去左DOL睇野，同埋叫Karen ee帶我地去paw palace逛逛，果到d野好靚but好貴，亞Pat好鐘意件fur不過唔捨得買，d poodle 又染hair好富貴好似上等狗，攪到我同亞Be好似鄉下仔咁．．．真攪野！！

1月19日 ~ 型仔飲衫

今日係太婆生日大日子，亞Pat一早幫準備左件飲衫比我著．．型仔嗎? 呢件衫衫係上年亞Pat送既生日禮物．．仲特登留返大日子著．．．
今日好多人好熱鬧．．．個個都讚我型仔，靚仔兼乖仔．．．Demi姐又同我影左好多相相，我真係好鐘意呢班咁nice既親人，佢地個個都好like我嫁．．．
好啦唱生日歌，祝太婆生日怏樂，身體健康，兒孫滿堂，開開心心．．．我又有利是收啦，食完cake仲落樓下飲喜酒，我又有個位坐，又有壽包食添呀...表弟你今日個look好似你爸爸返工look wor...你真係好鬼屎可愛！！！

1月17日 ~ 食新糧

亞Pat好擔心我近幾日好似有d唔舒服,又唔肯食糧，以前都未試過唔食幾日，又輕左．．．唔知係咪呢隻糧已經食左二年半，所以係時候轉一轉，不過我淨係食新糧舊果d就留係個碗度，都唔明點解咁抗拒舊糧，其實舊糧食左令到我d毛色澤亮麗左好多...希望轉左呢隻artemis後唔會變黃毛毛，如果唔係亞Pat又會迫我食返canidae嫁啦啦！！！

1月16日 ~ 攞糧餉

呢幾日都唔肯食糧糧，所以唯有去搵亞Be食飯行街順便攞d糧餉比我試試，結果一試就唔抗拒，仲好想食多幾粒添，希望轉新糧唔會變黃毛毛啦．．．唔該晒亞Be呀！！！

1月15日 ~ 亞Be上左ATV

上個星期日晚睇亞視發現影緊Petmax,林返起我同亞Be去果日有ATV人影黎影去，仲影我地係操場奔跑．．．所以亞Pat即刻渣機對準個電視準備影，結果真係有影到亞Be,其實當時我架車車係亞Be後面，點解唔影埋我呀！！！

1月14日 ~ 通粉dinner

呢兩日都唔肯食糧，可能食到太悶啦，所以光光特登整左少少通粉比我食食，果然有返晒胃口，而且仲有敏e黎食KFC dinner...我最鐘意見到敏e ga la...所以特別有胃口囉．．．
食完飯飯，敏e仲教光光彈琴琴添，真攪笑咁老先黎學琴琴，不過我地都會支持你，加油呀！！！

1月13日 ~ 好忙呀

一日去左四個地方真係好疲倦呀．．．第一站去左APM食Mos Burger行下街,i.t d姐姐仲讚我似公仔．．．第二站去petmax玩玩，今日好多狗狗所以都係玩左一陣仔咋，不過都已經好開心啦．．．第三站去又一城行街街買衫衫不過唔係買比我bor,行到肚餓去左第四站Teddy's cafe,不過被人包左場，所以試左對面果間cafe Gabbana食tea set,呢樹d野食又好好味，下次要叫埋d朋友仔一齊分享！！！

1月12日 ~ 生日會 + 唱K

表弟佢地黎探我bor,你今日好型仔wor...一入屋玩左一陣個百厭仔原先係度狂禁keyboard，後尾亞Pat介紹佢睇佢個新偶像蕭敬黱唱歌，結果表弟即刻話好聽仲唔禁keyboard...真攪笑．．．
之後去參加Gaspard生日會，去左間新cafe，不過呢間cafe唔太大，附近環境較雜，但野食又幾OK...我地今日都玩得好開心，除左我地Charco, Gaspard (生日主角), Leo, Abby,亞Be,仲有d註場狗狗好熱鬧，係時候送禮物啦，我地祝Gaspard生日快樂，身體健康，乖乖聽話...玩多一陣又要趕下場．．．
約埋敏e去唱K,仲帶埋我去，我都係第一次去咋，不過好嘈同驚驚，d人閂門又大力驚屎我啦，原先我係坐出黎，後尾個哥哥叫我入返袋袋，跟住我仲係袋袋入面懶左尿尿，因為我要抗議我好想返屋企呀．．．記得下次唔好帶我去啦！！！

1月10日 ~ 受罰

今曰又無無聊聊推林個玩具區，攪到d玩具一屋都係...我仲好得戚咁咬住個籃籃周圍走，跟住緊係比亞Pat鬧啦．．．佢仲將我放入個籃籃到當罰罰．．．求下你．．．放返我出黎啦！！！

1月9日 ~ 新海軍scarf

佢地今日食完飯飯之後行下商場發現到條海軍scarf，價錢又唔貴，咁就買左比我啦,呢條同用開日本牌子粉紅色果條好似嫁，不過質地唔同．．．好野又有新scarf啦，等我今個星期party用先得！！！

1月8日 ~ 行一半

點解今日得亞Pat帶我落街街．．．光光呢？？？ 好似要同客人食飯飯．．亞Pat一放工連飯都未食就即刻帶我落街啦．．好啦今日行住一半先啦，等你快d返去食麵麵．．．

1月6日 ~ 一日兩次既約會

一早同亞Be去食漢堡早餐，跟住光光同全全哥哥去E-max睇車車，再去埋Petmax等我同亞Be可以song song run...好彩今日狗狗唔算太多，佢地都好nice,我同亞Be緊係同佢地玩追逐遊戲，真開心屎！！
好啦返屋企瞓一陣先，我地今晚等埋Karen ee先一齊去深井食dinner．．．
我地又見面啦亞Be,頭先有冇瞓覺仔呀???
我地食咩菜好呢．．．最終去食泰菜同糖水yummy yummy！！！

1月5日 ~ 同樂日

我地差唔多每個星期都會同表弟婆婆佢地見下面食下飯，我最鐘意去探表弟，今日同佢地一家食完tea,再去公園放飛機，光光仲表演拱橋，倒立，爬樹，打側手返比表弟睇，佢咩都要學晒真係好可愛．．．玩左一陣返左屋企，表弟已經學識用leave it呢招比零食我，我都會比返幾分薄面過佢．．．
後尾去左婆婆屋企食飯飯，連太婆同Vicky ee都黎埋，表弟同我都好鐘意太婆，因為佢對我地好好嫁．．．今晚好多餸仲有homemade dessert...好滿足呀！！！辛苦晒婆婆，S同Vicky ee....

1月3日 ~ 第三條頸巾

為左送比白肥哥哥既生日禮物，我都陪亞Pat織左幾晚,佢有佢織我有我玩波波...幾溫馨,大家話呢條靚嗎？？白肥哥哥你記得時時帶住wor，最近天氣凍左呀！！！

1月2日 ~ 聚會後翌日

繼尋日玩左成日，好彩亞Pat今日放假出左大半日街，目的係比我係屋企補充休息返尋日消耗左既energy,不過佢一返到黎又同光光帶左我去散步，都係撞到幾隻唔識既狗仔，可惜見唔到大頭B,但都行左成大半個鐘，天光行到天黑添．．．回程仲有鈴姐姐開車接返屋企，亞Pat不知幾開心，唔洗行到腳痛，唔該晒！！！

1月1日 ~ 08年第一個Puffy生日Party

０８年終於來臨，祝大家新年快樂！！！　
今日兩大日子有Puffy生日慶典仲有Karen & Ivan既紀念日，我地一班人緊係同佢地慶祝啦，不過今日光光唔舒服冇出席，攪到亞Pat同我不知幾擔心佢．．．好彩有全全哥哥接送我同亞Pat咋，又再一次麻煩晒啦．．．
Puffy哥哥知你今日係主角都唔洗著到好似結婚咁．．．不過你今日好型仔呀，亞Be都有盛裝出席，佢件仲係名牌子，之後佢地兩個又換衫衫，點解咁似去飲咁？？？而我亦都有著新Jacket出席嫁，毛毛同Icy姐都有sharp sharp紅色collar...
今日個場好爆好多人，我地重好受小朋友歡迎，佢地好似貼身保鑣咁follow us,真攪野．．．
好野Puffy哥哥切蛋糕啦，我地祝你４歲生日快樂，身體健康，食得滋味，日日有BB玩具玩..多謝你個cake超好味，希望你鍾意我份禮物啦！！！　同場加影Karen & Ivan切紀念日蛋糕添，咁我地又祝你地白頭到老，恩恩愛愛．．．幾時整返個細佬細妹比亞Be先？？？
原來返到屋企亞Pat發現我個口流血，一定係頭先我偷食骨骨，最後比亞Pat係我個口拎返出黎時整親．．好彩冇咩大礙咋．．．另外光光都好返d啦,真係要感謝天父保佑！！！