2月25日 ~ 愛護有加

今日入左房瞓，亞Pat臨出門前幫我加左張被被保暖話驚我凍親，唔該晒呀收到你既心意，我真係好幸福，你地對我咁愛護有加！！！

2月24日 ~ 比狗咬

亞Pat要溫習冇同我去遠街，所以落街行一陣，不過今日好黑仔比隻八哥狗衝埋黎咬左一下，嚇屎我啦不過我一時都唔識反應．．．好彩佢d牙唔尖,如果唔係實流血，感謝天父保佑！！！　

2月23日 ~ 送給表弟的禮物

亞Pat買左個"奄班盲"公仔比表弟，佢叫我親口交比表弟，你睇下佢笑得仲狗過我，好似真係好鐘意份禮物咁．．．又同我玩leave it, 唔怪得大家時時讚你卡嘩依啦！！！

2月21日 ~ 腳踏實地＠May ee家

May ee指定今年一定要我去佢屋企逗利是．．．好開心終於可以腳踏實地係May ee屋企啦，一入屋第一件事梗係狂請請逗利是．．．晴晴言言你地好似好like我咁bor...又同我玩又要同我影相．．攪到我好受歡迎咁．．
敏e你咁遲嫁，我地好肚餓呀，d餸真係好好味，亞田姐姐真係叻叻啦．．．亞Pat話如果日日有住家飯食就好啦．．．之後仲有飯後mini pastry & almond biscuits...臨走前每人仲要跳返自選舞一隻．．．真攪野．．．最後要多謝May ee一家熱情既招待！！！

2月20日 ~ 哈佬吉蒂圍巾

咁卡華依既哈佬吉蒂圍巾...都幾Q wor...但係好似唔太襯我bor...亞Pat用左我d利是錢買嫁,不過送比邊個先???

2月19日 ~ 打敗仗

亞Pat你早返一定又係病病啦．．．已經係睇第二次醫生，希望你快d好返啦．．．不過你幫我按摩一下頸頸先，跟住我陪返你瞓瞓啦！！！

2月18日 ~ 大割引水玉scarf

條水玉scarf靚唔靚呀？尋日响Petmax買嫁仲係大割引添，之前都唔捨得買．．．亞Pat見到半價就即刻買比我啦，好似佢鐘意多d wor...不過帶左係咪好斯文同可愛仔呢？？？

2月17日 ~ "Song" Run @Petmax

一早好多人跑步，你地加油呀．．．攪我我都好想去"song" run...好啦不如去Petmax,早d去冇咁多狗狗,好玩d嫁...
果然冇咁多狗狗．．．好野．．．玩左一陣去左新開既biscuits & cake shop買餅餅食，我仲即場食添，真係好好味．．．之後仲識左個白威妹妹小吉佢七個月大咋,個樣都幾可愛．．佢主人仲問有關好多養白威既心德，又讚我靚仔，乖乖同白淨．．．開心屎我啦！！！

2月16日 ~ 唔該晒敏e

由於S部電腦有問題，所以敏e今日特登幫佢維修一下．．．見敏e咁乖...我地就獎隻雞肶比佢食食啦,其實我地一家仲有表弟個個都鐘意佢嫁，真係唔該晒呀敏e!!!

2月12日 ~ 初六探契媽

做得人契仔，緊係要去契媽度拜年，敏e今日帶我行新路海旁長堤，呢樹都幾好行又舒服．．．下次都要黎行過．．．跟住去買餸準備hot pot dinner...好多野食呀．．．真係好多謝敏e既賜予我地咁豐富晚餐,下次
黎我地屋企食飯飯啦！！！

2月11日 ~ 初五西貢遊

初五有咩節目呢？？光光提議去西貢食lunch行下，好耐冇黎啦，今日狗狗唔係咁多．．．條路好好行，不過點解今日仲凍過尋日係山頂嫁．．．真係要食返d熱野keep warm先．．．食完緊係行海旁同市中心啦，竟然撞到靚仔毛毛bor...真係橋啦．．．
佢地話陪完我又輪到我陪返佢地去又一城行街街，亞Pat要買d香香既hand wash同埋Royce朱古力，我地仲食埋dinner至返屋企．．．咁又過左一日啦＠＠

2月10日 ~ 初四同亞Be拜年行大運

初四同亞Be一家仲有敏e拜年上山頂行大運，今日天灰灰冇尋日咁好天，不過對佢地d女人黎講唔曬都好wor,
好野...亞Pat又比我自由行啦．．我既表現又穩定左,尤其係敏e連佢都勁讚我叻叻，因為兩年前係山頂我失控咁跑出馬路，都係敏e追返我先冇比車車親咋．．．所以佢都好surprise我進步左好多好多．．．
行完山山去飲coffee抖下噗下...真係好爽呀．．．我好滿意呀，仲要多謝Karen ee同Keyma d利是添！！！

2月9日 ~ 初三食齋宴

聽講尋日果位大嬴家贊助左我地今日食齋宴，真係多謝晒啦二舅父，你真偉大可等偉大．．．
今日d齋宴真係超級好好味，食到個個lam lam利...呢樹又有龜龜睇，有山有水好舒服．．．玩左一陣成班人一齊去左表弟屋企食afternoon JP style tea．．．表弟一見度我，即刻拉住我叫darkgor入黎啦，你今日好熱情呀．．．Michiko姐姐煮野真係有一手，有賣相又好味．．掂呀！！之後仲食埋Pizza先送埋太婆返屋企，今日真係盡興啦，食足三餐添！！！

2月8日 ~ 初二團拜

今日開年緊係去太婆度大團拜啦．．．亞Pat幫我準備兩套衫，因為今日有成三十幾位親戚會讚我,所以要著得靚仔d，同埋我今日會超忙．．．就係要狂表演請請逗利是啦．．．好野＠＠
佢地成班人緊係玩射龍門，魚蝦蟹，廿一點啦．．．又有盆菜食，真係超開心，我今日既收獲都算唔錯．．．
真係多謝晒大家啦，恭喜恭喜！！！

2月7日 ~ 初一拜年去

大年初一啦．．．我白威皇子係度恭祝光光亞Pat同大眾：恭喜發財，身體健康，心想事成，家肥屋潤，衣食冇憂．．．
每逢初一佢地都去又一城飲茶茶，仲有財神派利是，真係開心屎佢地．．．跟住再去同公公婆婆拜年逗利是．．記得上年表弟唔肯講廣東話，今年佢已經講多左好多啦．．真係叻叻．．．雖然節目如是，不過一家人一齊係最開心嫁．．希望新一年個個都身體健康，！！！

2月6日 ~ 沖look柚葉涼

佢地約左敏e出街食飯做節同行花市,天氣凍凍又落雨．．又要買花花，所以都冇帶埋我去，之後敏e都黎探我..不過佢好八卦淨係掛住睇雜誌．．．都冇咩同我massage...
今晚好忙又要同我沖look柚葉涼，話要沖走d病病，唔好時時嘔嘔，要身體健康．．．好啦好啦，唔該晒．．．不過可唔可以飲下look柚葉水水呀？？？

2月4日 ~ 可愛教主

我呢兩個造型似唔似可愛教主呢...一巾兩用，有肥肥頸巾Look,又有晨褸Look．．．你地鐘意邊一款呀?

2月3日 ~ 眼利

亞Pat執執下屋發現我唔係床床，原來我偷偷出左禁地，因為我見度有一隻蟻蟻行緊，仲準備食左佢，不過比亞Pat發現叫住我，估唔到我地兩個都咁眼利wor....
抺左一陣屋係時候去食dinner,今日食上海菜，食完同埋我行街街，不過我又唔痾CC,呢幾日都唔知攪咩，一定又係留返今晚半夜先痾，實嗅醒佢地．．．





　

2月2日 ~ 團年Hot Pot飯局

天氣咁凍最好去婆婆度hot pot團年飯局．．今日太婆太公Vicky ee,Out舅父母,表弟一家都一齊食．．．最攪笑係．．．表弟一見度光光即刻同佢講"卡call e"(即係~有型）幾擦鞋仔呀．．．
不過呢表弟唔小心整跌左舊蟹柳，唔洗講緊係比我食左落肚．．．後尾仲比亞Pat罰企埋一邊幾樣衰呀！！！