大家好我係Darkgor白威皇子

8月9日 ~ 心情日記

2009-08-08T18:28:00.000-07:00

Darkgor，早晨啦。倘若世界上真係有輪廻宿命嘅事、光光亦好想知道一個生命結束之後到底真的會去了那裏呢？boyboy你走了己有49日呀！傳統中國人嘅思維內仔仔你應該都準備住輪廻轉世喎？究竟你會做人呀？做回寵物或…….真的知道？爸爸最希望Darkgor真的可以再重生一次。也許我哋之後互認識也好、生活於同國度亦好；始終願你投嗰好胎啦。至於Tako細佬仔已開始慢慢長大啦，佢同光光、呀Pat生活得ok，所以你可以放心呀；我哋會加油。爸爸心裏面依然好掛住你，唉、無辦法；幸好我哋有著boyboy好多好美好珍貴嘅回憶、byebye啦，白威皇子。
爸爸光光上
9 August 2009

8月1日 ~ 心情日記

2009-08-01T18:02:00.000-07:00

Darkgor，好乖喎。今日婆婆、姑媽、敏e會過嚟屋企游水水&食飯飯。而光光都準備好整”法式焦糖燉蛋”俾佢哋試試，今次是first time、希望唔會失手啦。整天都忙過停，我哋先去勝利道幫Tako仔置番少少日用品、跟住食早/午餐；再要到街市買餸餸……..又係好忙呀。嗰甜品總算整得ok、稍為注意少少細節呢就Perfect嫁。晚餐會蒸雞雞食食；當爸爸斬緊雞嘅時侯、就想起次次有雞雞做餸時，光光必定會預咗雞絲俾boyboy你一同分享，好掛住好懷念呢種感覺呀！爸爸又喊了！思念真係好無奈與傷感，Darkgor仔仔要俾力量光光永遠記住與你一起生活過嘅片段；呀Pat and me 會加油。
爸爸光光上
1 Aug 09

心情日記

2009-07-31T07:33:00.000-07:00

Darkgor, 乖仔。爸爸都有一個星期無同你傾計計啦！工作忙咗好多好多、不單祇係寫日記，光光連報紙約成個月都無睇過啊！生活就是這樣、工作工作再工作；人總是為口奔馳。boyboy你現今過得點呀？知不覺地你離開我哋已經有個幾月了。Tako皇子二世都幾攪笑嫁，與佢生活嘅感覺完全唔同，佢較為活潑啲；都算ok la。仔仔記得May姨姨吧、佢姐姐有病病好傷心同慘慘，爸爸和媽咪晚上去了醫院探望佢，我哋都為呢位姨姨嘅身體難過和流眼淚淚；呀Pat還幫姨姨禱告呀！希望佢會得到天父嘅救助啦。MayMay你要堅強同保重去面對呢件想發生嘅事實，光光一家會永遠永遠支持你，願主保佑。

Darkgor, we miss you forever。爸爸光光上
23:00 31 July 09

7月27日 ~ 我細路Tako皇子二世有一個新blog

2009-07-27T08:16:00.000-07:00

我細路Tako皇子二世已經有一個新blog啦，大家記得支持一下佢留言比佢wor...多謝大家！！！
http://tako418.blogspot.com

7月23日 ~ 心情日記

2009-07-23T07:31:00.000-07:00

Darkgor、呢幾晚光光同呀Pat都一齊回味番你昔日嘅相相和雜誌。Boyboy真係仔大十八變、由細細嗰毛毛無咁靚靚同密密嘅最初，直到變成我哋心中的”
白威皇子”真係好奇妙呀。還記得你小時候、因當時爸爸有啲擔心仔仔你會破壞家居物品和週圍大小便便；結果我返工和出街後會將你困在寵寵都有成8個月嘅時期，重偶然因你尿尿嘅問題爸爸有打打Darkgor，好想同你講聲”對唔住”喎！而家掛住Darkgor你己成為光光嘅習慣，天天都想、每刻都掛；雖然祇能將你我嘅美好生活記在回憶中，但爸爸總覺得枉此生。

無可替代嘅白威皇子爸爸光光上
10:20pm 23 July 09

7月22日 ~ 心情日記

2009-07-22T08:42:00.000-07:00

Darkgor、光光己經煮番飯飯啦。希望PatPat可以過回正常嘅日子，身體越來越好呀。爸爸就快又大了一歲，真係光陰似箭啊！BD嗰日Tako就會與我哋一齊返屋企生活，願仔仔能夠明白彼此嘅狀況；boyboy你永永遠是光光PatPat心中的最愛和驕傲。呀Pat晚飯時同我講、是否仔仔己經真正離開咗我們嘅家；光光仍覺得仔仔始終會交待吓才走吧！好倦好倦啦，see you.
爸爸光光上
10:15pm 22 July 09

7月21日 ~ 活力無限Tako仔

2009-07-22T08:33:00.000-07:00

大家睇下跩仔Tako一放出黎就冇時停．．．

7月21日 ~ 探Tako

2009-07-22T08:12:00.000-07:00

聽講Tako尋日打第二支針，探下佢睇下有冇唔精神．．．個跩仔一放出黎又咬光光亞Pat隻手啦...
如果星期六pass埋個body check就可以帶佢返屋企啦！！！

7月21日 ~ 心情日記

2009-07-21T08:19:00.001-07:00

白威皇子、今天是你走了足一個月嘅日子；光光返到屋屋第一時間就你先為boyboy整咗份美味嘅食物。Darkgor仔、有橙橙食呀，爸爸試過都好甜嫁；重有麵包包添，正。好好享用啦、皇帝仔！嗱、我覺得Darkgor你有啲大細超喎，點解祇係報夢夢俾PatPat呀？我呢？唔通爸爸掛住你嘅程度會比媽咪少咩！快啲俾番啲feel光光呀、知無。未來的日子裏面，自己首要嘅任務係增肥肥；而屋企就快會有一位新成員 "Tako 皇子二世"。亦係你嘅品種、希望佢會有boyboy嘅某些影子動態啦。
爸爸光光上
22:30 21 July 09

7月20日 ~ 心情日記

2009-07-20T08:29:00.000-07:00

Darkgor、現在光光己習慣用這個平台與你傾傾計散散每天嘅心情。爸爸日日都有幾多會會要開、除咗Lunch一小時外；由9:00am可以忙到8:00pm，好殘樣樣呀！今個星期六係自己嘅BD、Karen、Ivan、Eva、Dee、ManE等幾位哥哥姐姐會一齊食飯飯高興吓；可惜缺少咗boyboy你嘅參予！明天就係仔仔走咗足一個月嘅日子、到時光光都會為你準備些生果和食物；希望你會知道爸爸嘅心意吧。

記得要返嚟食食呀、乖仔。爸爸光光上
10:30pm 20 July 09

7月19日 ~ 再探白威仔

2009-07-19T07:51:00.001-07:00

亞Pat既感冒仲未好返加埋右眼眼袋位時時彈跳，所以今朝又去左睇醫生啦．．．

之後約埋Karen ee,Ivan哥哥同埋亞Mic經姐姐介紹睇白威BB,佢地個個都好可愛得一個月大咋．．．

跟住去左Mega Pet睇返尋日果隻澳洲白威仔，咁岩佢沖完涼d毛鬆鬆個樣好攪野．．．連Ivan哥哥Karen ee都讚佢幾Q．．．亞Pat睇度光光好耐冇笑得咁開心啦！！！

7月19日 ~ 心情日記

2009-07-19T06:11:00.000-07:00

蒙蒙、經某位姐姐轉介下光光同呀Pat下午約咗個自家繁殖家睇吓佢嘅白威BB呀,就連佢哋嘅Daddy and Mama都帶埋嚟。在市面啲寵物店好少有白威威可以一次過睇到咁多thank you very much。今日Karen姨姨同Ivan哥哥、Mic都有一齊嚟觀賞吓，正。之後我哋食完個tea亦再去咗”寵物城”睇番隻白威仔；越睇越ok喎。媽咪隻眼眼呢幾日都有啲少毛病去咗see doctor、Darkgor仔記得要保佑媽咪呀。爸爸都有成大半個月無煮飯飯俾PatPat食啦；我要整多啲愛心飯飯俾佢食食。呢一個月你嘅走了、光光唔開心同喊喊嘅情景每況越下；自己瘦了7、8磅！好希望會快啲改善啦，因為爸爸重要照顧擁有一樣心情的媽咪呀。

爸爸光光上
22:00pm 19 July 09

7月18日 ~ 心情日記

2009-07-19T05:54:00.000-07:00

乖仔、今早光光同媽咪都想你想到勁喊，好慘慘呀！之後去咗”時新”快餐店食早餐，水準ok但當光光向店員要一包茄汁嘅時候；好無奈個姨姨話我哋又無order薯條、所以唔想俾喎！唉、香港有啲行業就係咁，每當生意好好時大都缺乏禮貌同基本招待？！人與人相處真係要咁樣？！跟住和呀Pat又去咗”寵物城”睇白威仔，有隻BB好似Darkgor你細細嗰嘅樣樣、我哋都忍唔住抱抱佢且玩咗一陣，又喜又悲啦！約6:00pm就到了太婆家食晚飯，太婆今晚身體好似好啲啲咁、thank you my Lord.二舅父好有興緻喎、又煮蕃薯糖水、湯圓、重有超正哈密瓜，光光同呀Pat都好滿足地享用咗一餐極之豐富嘅飯飯。

Boyboy可以教光光一種止痛嘅方法嗎！？爸爸光光上
18 July 09

7月18日 ~ 我的DNA頸鍊

2009-07-19T05:45:00.000-07:00

今日去拎左我條DNA頸鍊,亞Pat將佢掛係我個盅度，更加感受到我既存在．．．

7月18日 ~ 睇狗狗 + 探太婆

2009-07-19T03:59:00.000-07:00

佢地尋晚為左掛住我又再次喊左起黎，都冇咩點瞓過一早又起身上網睇返我細路仔時d相相，再去左食時新漢堡買埋DVD,拎埋我條DNA鍊,去左Mega Pet睇白威．．．

呢隻白威仔佢地係三個星期前都見過，店員話拎比佢地玩下，原來佢又係來自澳洲同我既生日差兩日，佢係４月１８日，今日岩岩３個月大，同佢玩左２０分鐘都冇發現吠過一聲都幾有眼緣，睇下先啦要去探太婆啦！！！

7月17日 ~ 心情日記

2009-07-17T11:19:00.000-07:00

Darkgor乖仔、光光今晚約咗個舊同事哥哥食飯，跟住一個人先返屋企。呀Pat要招呼外國同事，連續兩晚都無同爸爸食飯啦。打開門門嗰一刻，又有點悲從心生嘅痛；爸爸一邊入屋、一邊叫住boyboy你嗰名名，Darkgor你係咪係屋企呀！！想想吓又喊咗出來。生命嘅無常，使到你和我哋分開咗；無論想過、做過任何方法都無可能淡忘你。好多人講過時間真的可以冲淡一切事與物；但五年間的一點一滴實在教我們難以接受失去失去了我們的白威皇子。

爸爸光光上
22:40pm 17 July 09

7月16日 ~ 心情日記

2009-07-16T06:15:00.000-07:00

人與動物嘅相遇共處，多少要靠着彼此的緣份。記得2004年6月23日那天我們從勝利道快樂犬舍帶着小天使Darkgor你來到了我們的家、由小Baby養活到白威皇子嘅階段、我們真的當你如人一般地看待和照顧；好享受與你一起的感覺，但可惜在知不覺間你己離去了。離開了我們的家、離開了我們的視線、亦別了於一同生活的國度上！與你相處的年間、你給我們的快樂、幸福特別的多，載滿在我們的心房中。生活上遇到快時祇要抱住你，我們的心靈就可以得到平復。別了的你教會了我在工作上要加油、學會了做人要實在、生活須得知足。好多謝好感激我的生命裏遇到你、擁有過你；你還當過狗醫生去探訪老人、比賽中得過全場總冠軍、上過電視、做過雜誌訪問．．．好多美好回憶啊！其實爸爸好想為你出本書書，記下我們的生活點滴，但願夢可成真。
爸爸光光上 　　　　　　　　　8:00pm 16 July　　


7月15日 ~ 心情日記

2009-07-16T06:12:00.000-07:00

Darkgor仔、爸爸今日特別想你呀！工作上非常辛勞，由朝到晚到忙完似的。以前放工回家後總會愛望住你，你任何一個動靜都好正；有時會停咁玩吓你、攪吓你，想起都會笑了起來。我而家晚上大多會跟呀Pat先食嗰晚飯，之後她會上上網，而光光就會抱抱仔仔你嘅化身(白威公仔)一齊煲台劇；梳洗吓又訓覺啦。幾公式化嘅生活，呀Dee哥哥重有時時揾我哋去玩玩、nico媽咪就好有心關懷PatPat嘅狀況而Karen姨姨亦有call媽咪傾吓計；在這裏光光好多謝大家關心Darkgor同PatPat、一切盡在言中。

願各位小朋友一家安康快樂。光光上
8:00pm 15 July

7月13日 ~ 亞Pat病了

2009-07-14T16:38:00.000-07:00

連續幾日都自己食成藥，終於去左睇醫生，不過比某人講左句：咩你時時病嫁．．．．！！

最近心情叫做平服返少許，又冇咩住家飯同湯水飲，睡眠狀態又唔理想，圍繞身邊既人又係病，所以生病係難免嫁啦．．．只有你去體諒人地生病，原來好多人都係好自私．．．不過算啦食左藥要休息一下！！！

7月13日 ~ 思念

2009-07-13T16:34:00.000-07:00

雞雞、上星期六係你表妹嘅滿月日子，爸爸同媽咪要去賀賀佢。這是從仔仔走後久第一次參加高興嘅活動；但自己心裏其實不太好受。現在光光嘅心情被忙碌的工作麻醉了唔少傷痛，可惜Darkgor己在的事實真係令我嘅人生出現了好大好大嘅遺憾！！！嗰日下午我同呀Pat都有去探望太婆、太婆嘅身體較之前差咗少少，記得爸爸以家若有病病時、太婆經常在得知後會打電話俾自己問候一下；嗰種感覺好温暖！仔仔和全能嘅”神”希望你哋亦同樣為太婆嘅病病和痛做救助吧、願太婆身體過得好些啦。

太婆，加油。爸爸光光上
7:26am 15 July 09

7月12日 ~ 三個都病了

2009-07-12T20:53:00.000-07:00

約好左今朝去同Eva ee,Dee哥哥,Mane去唱K，夜晚去同Karen ee,Ivan哥哥 dinner....

原來今日佢地三個都有感冒，Mane最serious既一個，所以佢黎放低左手信比Eva ee,再拎比Ivan哥哥就走左．．．唱完K佢地去左我地屋企拎埋手信坐一陣就返家休息．．．

真係唔好意思啦Karen ee今日咁掃興，我地下次再約過啦！！！

7月11日 ~ 思念

2009-07-12T07:40:00.000-07:00

boy boy、光光呢幾日嗰小蒙恬short咗，所以至無同你分享我哋嘅生活咋！7月11日星期六早上同媽咪返番教會聽道，在會中我有向”神”譸告，希望祂能帶住我哋嘅小天使Darkgor返天家啦。教會在中秋節晚、帶領約1000個義工到深水埗，向住在板間房和較低下階層人仕派發愛心月餅；於是爸爸就建議我哋一家三口(當然包括仔仔你)向教會捐咗少少錢去幫助呢嗰有意義嘅活動。另外爸爸有嗰願望，好想在久將來能夠於中國大陸貧困地方裏、用Darkgor仔仔嗰名起一間學校；好讓哪些想讀書發嘅小孩能得到少少幫助。

好掛住你！
爸爸光光上
7:00am 14 July 09

7月11日 ~ 表妹滿月酒

2009-07-11T10:34:00.000-07:00

表妹已經三月個大啦，希望佢健健康康快快樂樂咁成長．．．

今日一班親戚仲有Michiko一d日本朋友比面出席表妹個full moon function,係港威鴻星擺左四圍酒，今日真係好多謝大家賞臉！！！

7月9日 ~ 思念

2009-07-09T09:16:00.000-07:00

蒙蒙、乖喎。光光今個星期日會同Eva姨姨同Dee哥哥出街街唱KK，散吓心；之前和媽咪拍拖嘅日子裏面，好多時都係去唱KK嫁。而家每逢假期都有啲Hard feeling，生活上過得好無Planning！幸好還有些狗友同親人support吓，否則會悶死我哋呀。未來嘅生活上爸爸會多啲同PatPat去游吓水水，做返好耐無接觸嘅運動。Darkgor呀、Leo朋友仔皮膚有啲病病喎，記住你要保佑佢一家身體健康；因為佢哋都好錫錫你、明無。

爸爸會為咗你同媽咪努力加油。爸爸光光上
21:00pm July 9, 2009

7月8日 ~ 思念

2009-07-08T07:14:00.000-07:00

Boyboy，光光又係好忙碌咁過一日呀。呢两星期裡面見咗100位申請工作嘅人，佢哋年紀落差都幾大、而且部份哥哥姐姐有幾個月都揾唔到嘢做；幾慘嫁。於是爸爸就運用些少私權去幫吓其中嘅成功人仕啦，offer好啲俾佢哋；等到某些人有著及時雨，覺得好有意義。媽咪呢两日為咗想仔仔想到喊喊、爸爸都盡力去開解同陪住佢！遲啲等我哋都無咁忙嘅時侯，自己想用Darkgor你嘅名義去幫幫一啲慈善事項同繼續紀念你嘅遺愛；希望你會保佑PatPat嘅身心安康啦。

爸爸光光上
21:30pm 8-7-09

7月7日 ~ 思念

2009-07-07T08:08:00.001-07:00

Darkgor仔仔、光光同PatPat返咗嚟啦。在這個台北3日行程上，每當某些時間不在忙嘅時侯；爸爸都掛住你。返到屋企自己第一時間就急急咁走入房房揾你，擔心boyboy呢两日獨自响屋屋會驚驚同悶悶、因為係首次留下仔仔去旅行呀！！今日爸爸有一件幾開心嘅事、做成咗一個Project本應好高興嫁，但放工後心情反而又慢慢的跌了下來、回家嘅腳步實在好沉重；平時光光和呀Pat祇要遇到一啲值得高興嘅事多數都會和darkgor你一起分享一齊出外走走慶祝；可惜現時己再啦！爸爸而家每日都會睇吓你啲靚相、回味你嘅一切；而我呢嗰心情日誌會停地繼續寫落去直至永遠永遠。

好掛住好掛住Darkgorboyboy！爸爸光光上
20:40pm 7-7-09

7月7日~ 與Mayee聚聚

2009-07-07T08:07:00.000-07:00

好耐冇去探Mayee家姐，約左敏e一齊去，其間我地仲提及台北之旅的趣事比姐姐聽，雖然情況不太樂觀，不過她的確很堅強，希望天父保佑姐姐減輕痛楚容易入睡．．．

之後我地去左九龍城食泰菜，好多謝Mayee,敏e一d鼓勵既說話，Mayee你都要堅強，我地支持你，仲有好多謝你請食呢餐．．．but why請埋敏e呢??? 又唔係佢生日!!! HaHaHaHa....

7月6日 ~ 台北散散心Day3

2009-07-07T08:06:00.002-07:00

今日行程係 : 布街==饗食天堂==101==New York New York==生活工場==新光三越Harrods

今日大部份係shopping手信日,一早行左40分鐘陪敏去左布街買日本布,早知坐的士啦...攪到個個腳軟....d布又真係幾靘,見度有件好靚既handmade hello kitty dress想買比亞Be生日gif,but only one without bigger size ... oh..可惜!

跟住要爭取時間去明耀百貨12樓(饗食天堂)食buffet lunch....嘩好正呀....好多野食魚生,壽司又fresh,炸物,熱食,生果,支裝可樂,鮮炸果汁,甜品cake,啤酒涷仲有Haagen-Dazs雪榚....至緊要係有水準仲要低食每人都係HK$ 168....真係好多謝Vivian既推介,更要highly recommend比大家,拍得住yamm但更超值更抵食....讚呢!!!
比條link大家參考下次有機會去台北記得去食wor

http://wiselyview.net/blog/read-1548.html
http://www.eatogether.com/menu01.html

食飽飽要shopping一下,去左101東區一帶又幾醒神,我地買左花花鳳梨酥,行埋New York New York買左靚靚L&G水樽,仲有生活工場膠拖鞋,佢地d膠拖鞋好岩夏天著....但搵唔到Harrods,即刻打比TaTa問,佢真係有心send返sms比亞Pat原來係新光三越basement地下,但細白威仔連袋仲有得賣,不過Karen ee上次係英國買左我比亞Pat啦,其實今次好想搵隻大少少,但今年冇賣....要九月先有電動狗同白威毛毛袋....唉....

行到五點返酒店攞行李去台北車站坐國光號去機場,我地仲係酒店隔離食煎餅水餃,去到機場又食牛肉麵,好彩都叫唔錯...好啦台北三天散散心既行程完畢,光光聽日要趕返工...希望下次有機會去屏東花蓮或懇丁住民宿...再食食食!!!

7月5日 ~ 台北散散心Day2

2009-07-07T08:06:00.001-07:00

第二日既行程：陽明山＝＝小油坑＝＝吊橋＝＝金山＝＝石門＝＝淡水魚人碼頭＝＝淡水老街＝＝淡大＝＝海水浴場＝＝師大夜市

一早起身食左酒店既早餐都算okay,跟住亞Pat朋友開車黎接佢地，Patrick哥哥好細心準備左乖乖，牛肉乾，葡萄乾放係車車入面比亞Pat...仲出錢出力出精神帶佢地一日遊．．．

向陽明山出發，好多年冇黎過，亞Pat光光敏e好想食蛋餅，美而美三明治，Patrick帶佢地去左山腳食，好懷念以前讀書年代食既味道，不過始終唔及以前好食．．．食飽再向山上出發，沿途欣賞美景影下相，又去食風味餐，坐樹蔭下又冇蚊又有風風吹吹好寫意，薑絲豬大腸超好味．．．

又食飽再去小油坑睇火山，行埋吊橋食下冰淇淋，嘩有隻好可愛既白色馬爾濟斯犬，亞Pat用我同佢地say hi...今日算好彩準備要走先黎變天，我地再去金山，石門影海邊，好多人影結婚相．．．

我地個個都瞓，真係辛苦晒Patrick哥哥揸足全程仲成個導遊咁又講解．．．超讚啊．．．到左漁人碼頭．．．嘩好晒呀，攪到冇咩心機行晒全程，影左幾張相就走人．．．再去淡水老街買牛肉乾飲奶茶，返埋校園同埋海　水浴場影下相．．．食埋冰冰同豆花準備去師人會合老朋友．．．

最後約左Vivian & May's family去左師大夜市食滷味，不過個滷味汁有大保酒味我地唔係太like...
個人都係比較鐘意師大夜市，S都係讀呢間學府所以影左幾張相比佢睇下．．．今日真係好疲倦行程排得濫滿滿的一天，特別謝謝Patrick從早上九點半開始載我們到晚上八點又花錢又陪上精神，大家都非常感激你呢！！！

7月4日 ~ 台北散散心Day1

2009-07-07T08:00:00.000-07:00

一齊出發去台北散散心，第一日既行程：西門町＝＝＝天母＝＝＝士林夜市

敏e已經到天成等我地啦一齊check in．．．佢一到步已經買左心頭好日本靚布又幾醒wor...放低行李搭捷運去行下西門町食蚵亞煎，魚丸湯，肉"根"麵但都係soso,打完籃球再食鴨肉，又幾好味wor．．．

再坐去芝山站轉的士去天母high tea,原先想去PS Bu Bu汽車餐廳（流星花園果間），但敏e又話呢間向Hsiang The Brunch幾好環境．．．算啦．．．不過環境又真係幾好bor好舒服，不過甜品cream burlee就 soso．．．

hea完抖完行下誠品，買左好好味既麵包(維也納奶油)好出名又好好味,再去士林夜市食大塊雞排，甜不辣，燒尤魚，豬肉串，菇菇，燒餅．．．不過可惜飲唔到橘子汁要冬天先有...唉...再去行下pet shop....
買左幾盒要成七十幾蚊港紙既生果(咁貴呀?)同埋鮮奶返酒店品嚐！！！

7月3日 ~ 思念

2009-07-07T07:55:00.000-07:00

Darkgor,光光呢两日都好忙、己經有10days無煮飯飯俾呀Pat食啦。媽咪面面好似廋咗小小、而爸爸病咗都有3日呀！明早我哋會離開香港到台北旅行，亦準備好帶埋boyboy嘅化身去；第一次同你外遊、雖然心情好繁難，重有啲阿Q精神、but I never mind la。我同媽咪都仍然極之掛住你，喂白威皇子快啲報個夢俾我哋知仔仔你過得如何嗎？！
爸爸光光上
21:40pm， 03 July 09

7月1日 ~ High Tea @Hyatt

2009-07-07T06:36:00.000-07:00

今日將我d床床玩具屋屋送左去SPCA，雖然有少少唔捨得不過都希望可以幫到其他狗狗．．．

跟住去左IKEA行下再同表弟一家去Hyatt high tea,表弟仲時時問起我係咪瞓左覺仔，佢見到我個公仔即刻好開心要抱住影相，我知佢仲好掛住我，表弟你要乖乖聽爸爸媽媽話，我會一直守候住大家．．．

食飽飽去探太婆，太婆食多左少少，精神一般好似好多心事咁．．．我都希望太婆個病病唔好令佢太痛痛．．．我會精神上支持太婆，加油啊！！！

7月1日 ~ 思念

2009-07-01T17:04:00.001-07:00

白威皇子，好乖喎！又到咗7月summer啦，重記得08年我哋帶boyboy去游水水嘅情景；Darkgor仔都好叻叻、又好鍾意响沙難四圍走走！以前和你共處嘅時候一有假期、節目都安排得滿滿的，四處遊玩；而家光光同呀Pat去那裏都無神、同無主意咁！朝早帶住你少少嘅物件送到愛護勳動物協會，跟住和媽咪响勝利道睇吓狗狗。之後到沙田IKEA行吓並約咗你表弟送件衫衫俾佢、表弟時時都掛住Darkgor嫁！結果我哋重同Lok Lok 一家四口去咗沙田海逸洒店Hightea潻。最後爸爸媽咪亦到了太婆屋企探吓佢，食完晚飯又返屋企。儘管我們停地到處遊走，缺少boyboy你嘅參予其中；生活上仍好乏味！！

爸爸光光上
7:15am 1 July 09

6月30日 ~ 思念

2009-06-30T06:52:00.000-07:00

DarkgorBB仔，爸爸今朝睇醫生發燒燒、所以無返工。一個人留在屋企而沒有boyboy陪伴是第一次，好靜好靜！！！每天光光空閒獨處嘅時間裏面，身軀與靈魂確是有點分開咗；六神無主嘅感覺真係自己人生中活到呢刻嘅首次？！好多好多共你刻骨銘心嘅片段不停在腦海中呈現，真係喜、怒、哀、樂集於一身呀！明日打算將你的某小部份：三張床床、少少嘅衣服同一啲玩具送到旺角愛護動物協會捐俾其他有需要嘅小朋友們；藉此幫幫別人吧。大約2:30pm光光就開始清潔整理一吓啲捐贈嘅物件，邊做邊掛住仔仔你！敏E都會同我吔一齊去台北玩玩喎，希望會彼此盡興啦。光光今早在5:20am嘅時侯，好似聽到乖仔你嘅聲聲呀；到底你係咪返咗嚟啦！Darkgor你而家一個人生活得好嗎？去咗邊度？開唔開心？有無掛住光光同呀Pat呀？？！

失去boyboy嘅痛、就好似血液循環般遊走在我的身体裏沒有停下來！
爸爸光光上
4:20pm 30 Jun 09

6月29日 ~ 思念

2009-06-29T10:01:00.000-07:00

呀蒙早晨啦。昨日早上同媽咪去咗西貢行街街，順道懷念吓你。呢度係boyboy最常到嘅地方之一，所以我吔覺得好有意義。沿途中雨勢好大呀，直至差不多去到目的地前雨雨停了；好多謝上天嘅照顧讓我們能和Darkgor在路上散散步。一樣的地方、一樣的心情；懷念嘅思緒真的很難受。跟住和仔仔你到太婆屋企關心佢嘅身體狀況，太婆仍有問boyboy點解唔嚟！！！好希望佢身心都有改善啦。光光同呀Pat之後去咗新城市永安報名並確定4號會去台灣走走散散，到時亦會常帶住你的化身一齊去嫁！今晚係你既頭七,光光已經準備好水水,雞雞,包包,蘋果,糧糧,零食...darkgor乖仔你最鐘意食食既野都齊晒啦,記得返屋企食飯啦,仲有千萬唔好唔記得同爸爸媽媽見下面!!!

6月28日 ~ 重遊舊地(西貢)

2009-06-29T09:19:00.000-07:00

開車期間好大雨，好擔心會唔落唔停．．．光光時時教亞Pat要向好方面林，佢話我會保佑一到步會停雨．．．果然係真．．．嘻嘻嘻．．．

呢個地方係我以前留底唔少腳毛毛，不過光光時時唔放心比我off-lead自由行...今日去呢間lunch，五年都未去過一次，次次都係去Freeze....至鐘意坐係度睇狗狗散步，有隻七個月大既白威wor...食完野去左SPCA問下佢地要唔要我d床床玩具衫衫,好啦等佢地整理好再捐出去．．．

最近太婆身體好差時時瞓，佢問起點解我冇黎，Vicky話我去左上堂目的係唔想太婆傷心．．．佢一向都好鍚我，仲有太公,Vicky,Nelson一家個個都好愛鍚我，好多謝大家呀！！！

6月28日 ~ 思念

2009-06-29T09:16:00.000-07:00

BB仔早晨啦，光光今日做咗懶訓豬7:32am先起床床。昨天在Gooddog cafe大家為乖仔你攪咗個追思會、好多謝各位哥哥姐姐同一班小朋友對Darkgor嘅關懷同支持，光光在此對你們說聲無盡感激。爸爸嘅心情仍有頗不安嘅起落，因此和媽咪打算到台灣我們喜歡的地方走走、散散心！自boyboy你出現在屋企後，呢一段5年的光景裏爸爸其實都係為咗你唔捨得出外旅行、寧願陪住你、照顧你；所以才能與你開心的相處足足5年啊！！而家我哋將你嘅回憶、神緒都以一個白威公子嚟代替住，名名依然係Darkgor呀；好希望仍可以用這種方式去繼續和你生活著！日後無論爸爸和媽咪想到那裡走走，都會帶住你一起去遊歷嫁。

管boyboy你現在身處那裏，爸爸都會每天愛你多一些！！

爸爸光光上
7:32am 28 June 09

6月27日 ~ 多謝大家

2009-06-29T07:45:00.000-07:00

好多謝一班哥哥姐姐Karen,Ivan,Icyma,Icyba,Eva,Dee,Mane,Agnes同我係GD攪左個追思會仲有一班朋友仔Hibe,Icy,Leo,Abby....佢地好有心帶埋我以前既相相仲有video...亞Pat帶左我細個d相相同雜誌比大家欣賞．．．

今日光光心情好down...以前時時出親黎都係度攪笑，不過我知佢今日好感觸時時掛住我，林起我唔可以同班朋友仔玩好惋惜．．．雖然係咁但我既白威皇子精神長存．．．我會一直守護住大家嫁！！！

6月27日 ~ 思念

2009-06-26T18:01:00.000-07:00

Darkgor白威皇子早晨呀。爸爸而家的生理時鐘會提早咗在每朝6:00am就起來了！從眼睛張開的第一秒，活現著是你習慣响台訓覺仔嘅影像；我即時會用手摸摸乖仔呀可是也會為你留淚痛著！昨晚光光同呀Pat去了太子食飯；平時嘅媽咪睇衫衫就是她的最愛，而爸爸呢通常會陪伴住佢、但提住佢要幾耐幾耐要走咁？表面上感覺光光無乜耐性，其實爸爸心裏是掛住你、驚boyboy你無水飲啦、擔心你肚仔餓餓、你會唔會怕黑黑…….這些便是我每日出外留下你嘅心情。今日下午會同你嘅好朋友們見見面為boy boy攪個追思會，都有小朋友嚟嫁；Hibe啦、Icy啦、Leo、Abby……。Darkgor你係咪好想同佢哋玩玩呀，到時要盡情啲喎！嘩，原來皇子你留過唔少相相响同嘅雜誌上；有你小時候嘅樣樣、成名嘅白威皇子照添，爸爸都回味得好興奮。

爸爸光光上
6:00am 27/06/09

6月26日 ~ 思念

2009-06-25T16:55:00.000-07:00

Darkgor BB早晨啦；光光每日都習慣重覆咁睇返你啲可愛照片！手機裏有你8幅相相，好正好回味啊。由相片打開到將佢哋一幅幅咁放大來看，都有住兩種好唔同嘅心情。好慶幸有用手機隨意拍吓你，每次嘅表情都呈現boy boy開心温馨嘅另一面，爸爸重會輕輕咁摸摸你嫁！昨晚同呀Pat去咗深水埗食飯飯和行吓寵物店，我吔心裏祇想找尋吓有無似似哋你嘅白威仔呢？！當然係無啦，你是我這一生的唯一、無可代替………爸爸又哭了。乖仔聽日係你嘅”頭七”，我真的很想你返返屋企探吓我吔！媽咪仍然為你的離別痛著生活，boy boy你可以多啲報夢俾呀Pat同光光好嗎？而家的生活好淡好淡、從前有著你的陪伴真很不一樣；現在放工後爸爸的腳步會放慢咗只因返屋企亦找不回我嘅快樂泉源了。

永遠愛你想你的爸爸光光
6:00am 26/6/09

6月25日 ~ 思念

2009-06-25T09:49:00.000-07:00

早晨啦Darkgor,光光呀。習慣咗每朝望住你、摸吓你先去梳洗嫁！！昨晚同呀Pat去咗家樂商場食咗嗰飯、行行街；但係目的祇是為了唔想太早回家吧！！屋企裏仍滿是你的氣味呀，你嘅玩具、床床、屋屋、照片……………一切一切都無將佢地收埋；反而我哋還在家中尋找你的每條毛毛並儲起啊！！沒有了你的日子過得好慢真係很長，我腦海裏全是你活形活現嘅行為影像；因乖仔你是光光生活上可以缺少的養份！！在爸爸嘅心深處你仍是活著的，每天我依然會感覺到你、你嘅微笑、可愛、cool…….每個動態都好真實且存在。掛住你嘅心情好痛，每曰都會為咗想你想到喊；唉！希望你也能夠感覺到光光對boy boy嘅無盡思念。

　　　　　　　　　　　　　　　爸爸光光上

　　　　　　　　　　　　　　6:00am 25/06/2009

6月24日 ~ 思念

2009-06-25T09:04:00.000-07:00

至愛的Darkgor,

今日係24/6/09早上6:00am,爸爸光光又不斷地在掛住你！停住喊起來了，嗰種痛、嗰種思念真係令我好難息懷。昨日從帶住你返屋企的每分每秒裏面、我的心除咗好痛好痛之外；腦海中亦沒有停止咁懷念你。你嘅離開我真係好難接受，乖仔Darkgor點解你要咁快返天家呀？！！！和你生活一起將近5年啊！你給予爸爸嘅一點一滴好深好遠，真正開心嘅時刻自你出現後有好多好多；自己失意時候會抱住你、快樂呢就與你分享。而家我嘅生活即時變得好單調好無味，心情嘅落差亦遠遠超乎了想像；自己都唔知幾時才可以復原呀？

好掛住你、好想抱你、好想錫你、好想你依然活著..................!!!!!!!!!!!!!!!!!!!!
爸爸光光上

6月23日 ~ 暫別

2009-06-25T07:37:00.000-07:00

光光,亞Pat我要返天家啦，你地唔好太傷心，好多謝你地係呢五年來既愛護有加，雖然你地冇對住我叫自己做爸爸媽媽，但我係深深感受到你地待我遠超過對兒子所做既一切．．．

對唔住我唔希望你地太擔心，所以一直堅強咁忍耐從不哼一聲表現我既問題，目的係唔想你地太傷心，雖然係黎得好突然．．．不過我會一直守護著你地，答應我要好好生活，注意身體健康．．．加油啊！！！

今日要多謝一班哥哥姐姐黎同我暫別.....
有MayMay,強強,Karen,Dee,ConCon,Ivy,Icyma,Cat,Buma,Ms.Wong, Demi,Sharon,Mic,Michiko,表弟,表妹啦,仲有敏e電話同我傾計，同埋美美姑扥ConCon帶黎既花花....
仲有一班親戚同其他朋友及blog友既關懷．．．真係好感激大家既一番心意，你地都要保重啊！！！

婆婆，Sharon,Mic,Michiko,表弟，光光同亞Pat寫左三封信比我，光光準備左雞雞，麵包，蘋果，橙橙，糧糧，零食，水水，枕頭，毛巾，被被，Be Happy collar比我．．．真係好多謝你地對我既厚愛．．．一切盡在不言中．．．保重呀加油啊！！！

6月21日 ~ 臨別

2009-06-20T22:42:00.000-07:00

一早佢地帶左我去做ultrasound,but好full要等到下晏至有report...臨走佢叫我加油，我知啦．．．唔洗擔心我,你地返屋企等消息啦．．．

一開門唔見左我去迎接，睇見我張床床同toilet都唔見係度hea,亞Pat又即刻喊啦．．．

大約4:30去睇report,我個肝已經去到最end stage...原先估計可能仲有幾個月，但佢地一接返我時已經開始抽筋，醫生估計我今晚會離開，所以臨走前叫左一班愛護我既姐姐哥哥同我送別．．．．

敏e,Eva ee,Dee哥哥,Karen ee,Ivan哥哥好多謝你地一直以黎咁愛錫我．．．仲有我一班既好朋友仔Hibe,Leo,Abby,Toby,Icy,Bob Bob仲有好多好多．．．．

爸爸光光，媽媽亞Pat好感激你地照顧左我咁精彩既狗一生，我有聽到同好明白你地係我臨去前既一番話．．．天父黎接我返天家啦．．．你地要保重呀！！！

7:41 pm 我要離開啦．．．加油呀！！！

　

6月20日 ~ 一切交比Dr. Tint

2009-06-20T20:56:00.000-07:00

尋日決定唔留院返左屋企．．．亞Pat都冇瞓所以一早帶左我落街行下，真係冇咩力氣行，返屋企又係狂飲水水．．．

後尾亞Pat嘗試打去求Dr. Tint比我睇，佢地真係好好人終於等到我啦．．．Dr. Tint話very worry of me...做左blood同urine test初部懷疑係肝有事，同埋缺水流失左大量水份，皮膚冇彈性，心臟聲大，得返5.7kg骨瘦如柴,之前7kg由於而太瘦背骨已突起少少．．．Dr幫我探肛我d便便係黑色,所以要聽日安排照ultrasound怕係腸影響肝...佢話我得五歲唔應咁差．．．唉！！！佢地可以比我留院方便聽日做ultrasound仲係免費,but亞Pat光光想我係屋企瞓得好d,今日埋單$1,390!!!

亞Pat走出診所狂咸．．．叫我要加油．．．你都要加油呀．．．我係Good Boy天父會幫我安排一個好好既治療，所以Dr.Tint一切交比你啦感激你．．．

其實遇到你同光光係一種緣份，我會努力好返同你地繼續相處每一日既開心時刻，唔好再喊啦亞Pat...　

我知道你最近為左我，光光同太婆既身體憂心忡忡，你要照顧自己身體呀，我會努力對抗病病，I promised！

6月19日 ~ 睇醫生

2009-06-20T20:25:00.000-07:00

由於呢幾日都冇咩胃口只係狂飲水水．．．亞Pat都預先book左Dr. Tint,但最快都要星期日先有得睇．．．

今日放工帶左我去cafe玩下睇下有冇痾CC...點知係cafe又係狂飲水水，冇咩同狗狗玩又係企定定．．．都係等唔到星期日啦即刻去睇特診啦．．．

個vet話要blood test & X-ray又要留院．．．叫我地兩粒鐘後返黎聽report，準備入院手續佢地比張list話要第日做埋Ultrasound，又要簽名同意if any urgent case may do operation without inform master ???

好可怕why留院觀察唔知要吊幾多包塩水仲要做埋手術，埋單要成七千？？？Why唔係應該step by step咁去check??? 光光同亞Pat即刻話要帶走我,係短短上左房十分鐘佢地已經做埋urine test,luckily NO 糖尿病．．．vet said maybe腎有事．．．但我地決定搵返Dr. Tint...埋單都要＄９００．．．

6月16日 ~ 唔願行

2009-06-20T19:52:00.000-07:00

今日亞Pat放假帶我落街行下,點知我又唔願行，企定定唔知等緊咩．．．我林我今次真係病病啦！！！

6月15日 ~ 補祝亞Pat生日

2009-06-14T21:12:00.000-07:00

一早我連好味既雞雞又唔食，但零食就肯食攪咩呀？？？跟住佢地帶我落街街睇下有冇CC痾,緊係又冇啦尋日去完cafe返家食左雞雞，但今朝又唔食啦．．．唉．．．真係好擔心呀！！！

由於光光上次整親腰骨未好，今日真係唔該晒Dee哥哥車我地去西貢食晚餐，佢地一班人同亞Pat補祝生日，間餐廳開頭既service好差，但後期好左好多，仲keep promised arrange a free piece of cake to Pat and song BD song，食物水準都唔錯，最後真係好多謝大家既心意同埋Karen ee既FL禮物！！！

6月13日 ~ 終於肯痾啦

2009-06-13T21:31:00.000-07:00

如果今日再冇CC痾就已經係第四日啦，所以去左GD試下．．．好彩去到冇幾耐即刻大解放仲痾左三次，不過昌哥話我d便便黑黑有少少潺...d潺係腸道既唔應該排埋出黎，真擔心不過都總算排左便．．．唔知係咪岩岩轉膳食腸胃唔適應，定係食左牛牛呢？之前食雞雞都係兩日先痾一次，同埋狂飲水水狂痾尿尿，真係好擔心．．．

其實我不嬲都係瘦底，而家瘦到背骨都突起埋，又輕左二，三磅．．．點算好呀，要睇醫生嗎？

今日好多Poodle仲撞到Mocha,佢好定好乖．．．玩左兩粒鐘去醫院探太婆，好擔心佢既身體，好希望太婆可以盡快出院，我地會為您禱告．．．大家一齊加油要身體健康！！！

6月10日 ~ 手作膳食

2009-06-10T08:25:00.000-07:00

由於唔肯食干糧一排攪到愈來愈消瘦又冇咩精神，所以佢地開始比我食雞雞做主糧已經有七八日啦，不過唔可以淨食肉，所有要加返天然蔬菜sojos均衡飲食．．．

今日加左牛牛同雞雞，由於sojos要浸四粒鐘,咁聽日可以加埋菜菜啦．．．可能岩岩開始轉手作膳食，腸胃冇咁快適應，要兩日先一次便便．．．希望好快可以完全適應同埋增返肥少少啦．．．

P.S. 好多謝blog友亞Mic不厭其煩解答亞Pat手作膳食既問題...

6月9日 ~ 改變性格

2009-06-10T08:05:00.000-07:00

最近既我好奇怪？？？唔肯食狗糧愈來愈骨感，變得更加cool...落街唔願行要等其他狗仔，好似今日亞Pat帶我落,我又唔願行．．佢放埋繩我淨係企定定又唔願行．．．唉＠＠

　

6月8日 ~ 見工look

2009-06-10T07:53:00.000-07:00

我呢三個見工look得唔得呀，唔知有冇人請呢？？？斜紋代表勇敢，圓點代表細心，黑色代表神秘．．．

剪左個新look打埋呔成個男仔look返晒黎，以前仲時時比人誤會我係女仔人家添＠＠

呢個tie set係veve姐姐間舖doggaccino買嫁，佢地真係一個集潮流，美容，攝影既好地方．．．

6月7日 ~ 親親大草地

2009-06-07T03:37:00.000-07:00

真係唔該Dee哥哥一早去左大榮華攞位，我地仲見度肥滔滔，不過why不及以前咁好味呢？？

食飽去左錦田跑草地，真係好鐘意呢個大草地，又有靚靚荷花池，好彩熱得黎仲有風風吹吹．．．

跟住去探下表弟表妹，光光帶埋材料整啫喱比表弟食，休息一陣去太婆家食飯，好野光光買左雞柳比我當晚餐！

6月6日 ~ 變靚d@Doggaccino + 四季high tea

2009-06-06T09:41:00.000-07:00

我d毛真係亂到呢，要搵veve姐姐大修加拔毛毛...今次真係拔左好多毛毛，目的係希望新既毛毛會愈來愈硬．．．同埋剪左好多layer又清爽晒個樣仲細路左．．．唔該晒veve姐姐啦...^ ^

跟住陪佢地去四季high tea,我又成功進註啦，頭先剪毛好tired所以瞓足全場．．．

食飽再去HV買糧糧，不過我最近唔肯食，亞Pat想轉善食比我不過要慢慢試．．．真係好煩惱呀，仲有我瘦到骨參參．．．所以淨係靠食雞肉補充咋．．．點算好呀？？？

6月5日 ~ 敏e送給牛一Pat之大禮

2009-06-05T09:25:00.000-07:00

敏e今日做左大廚整大餐，目的為左慶祝亞Pat正日牛一，佢真係好有心去左City Super買左靚牛排，羊排，Prama Ham,蜜瓜，Tomato soup，bread & butter，potota salad，芒果布甸．．．真係出錢又出力，
更估唔到佢既料理咁了得，樣樣都好好味．．．好犀利呀！！！

亞Pat好感動敏e今年送佢呢份大禮．．仲好過送什麼什麼物質，大家係講心ga ma．．．多謝您敏e...光光都讚呢餐值９０分！！！

6月3日 ~ My New Look....Cool

2009-06-03T09:32:00.001-07:00

See my new look ... Cool爆全場...No eyes see @@

6月2日 ~ 撩我玩

2009-06-03T09:17:00.000-07:00

光光整鬼我用張床床壓住我，目的係撩我玩接床．．．因為我係屋企真係超級靜好少玩，唔通過左５歲真係變得好似老狗仔咁？？？

佢一拋起張床床，我就用口咬住，不過玩左幾次之後我又冇咩興趣啦，算啦都係埋位瞓過ｚｚｚ．．吹脹！！！

6月1日 ~ 咁夜呀？

2009-06-03T08:59:00.000-07:00

咁夜呀敏e？？？黎坐一粒鐘就走．．．咁不如唔好黎啦！！！

5月31日 ~ 太婆家"痴"餐

2009-05-31T02:10:00.000-07:00

太婆我地又黎打攪啦．．．林住黎坐一陣跟住返屋企煮飯，點知愈坐愈晏最尾都係留低食埋飯至走．．．

既然留低緊係要加餸，咁我陪光光亞Pat去買外賣．．．今日姐姐放左假要由Vicky下廚．．．嘩好美味呢．．食到好飽飽呀真係滿足啦！！！

5月30日 ~ 幾個行程

2009-05-29T06:14:00.000-07:00

陪完光光整牙，快行一陣長堤同Pet shop,跟住趕下場同Leo & Abby佢地去浪澄灣行下，佢地都話呢度幾靚又乾淨．．．

玩左一陣大家都肚餓去左Cafe Gabanna食tea,呢間雞翼同熱狗幾好味不過今日個雞翼d honey汁唔夠多．．

食飽飽去左又一城shopping...再去買水晶珠．．．食埋dinner再食糖水...嘩真係好充實呀！！！

5月29日 ~ 與BobBob一聚

2009-05-28T21:56:00.000-07:00

亞Pat早幾日公司d野忙到癲左...就係為左今日放假同Bob Bob聚下舊順便比份生日禮物仔過佢．．．希望你會岩玩啦．．．

Demi姐點名話想食GD既野，好啦今次去GD下次去DOL啦．．．Bob Bob同我淨係掛住為食多過玩玩．．．後尾光光都黎埋食tea,玩下玩下唔覺已經兩粒鐘，最後好多謝Demi姐請客添！！！

5月28日 ~ 村龍擇嗲 + 預祝亞Pat生日

2009-05-28T01:05:00.000-07:00

Eva ee今次帶我地去端記擇嗲，好啦等我地下次帶你地去彩龍啦，擇完嗲上左去扶輪效野公園行下跑下,跟住各自走人因為之後大家都要family day...

好開心表妹第一次黎我地屋企，亞Pat去完村龍返黎即刻抺房又抽濕，目的係可以比表妹瞓得舒適d...

表弟畫左張畫送比亞Pat做生日禮物，真係 very good boy...仲有敏e,S,亞Mic同光光個個都有煮野，真係樣樣都好好味．．．多謝晒大家既一番心意同利是！！！

5月24日 ~ 試坐電單車

2009-05-24T04:00:00.000-07:00

黃雨都照去探表弟妹一家，亞Mic有架電單車比我坐上去影相，至衰落雨如果唔係光光可以載我兜風．．．

表妹隻腳腳好香佢又唔同樣啦，亞Mic比左之前表演d movie我地睇...又幾掂wor....

約左Eva ee飲珍珠奶茶，大家行左一陣pet shop就返家lu...

5月23日 ~ 生日飯聚

2009-05-24T03:27:00.000-07:00

陪光光睇完車展，唉仲未停雨雨，原先想帶Hibe,Leo,Abby佢地去浪澄灣行下，冇法啦唯有改去cafe玩．．．

玩左兩粒鐘左右，敏e join埋一齊入深井同全全哥哥補祝生日，大家有講有笑好開心，祝全全哥哥生日快樂，心想事成．．．yeah!!!

5月17日 ~ 買糧餉

2009-05-17T05:53:00.000-07:00

尋日終於肯食返糧糧不過得一細包仔已經食晒，所以今日一定要入返少少貨．．．

首先食個美味既炒意粉牛通，再去Dickie姐姐間舖睇下d糧，個姐姐話好耐冇見我點解咁冇精神重好頹look係袋袋好靜咁wor，緊係啦我呢幾日食得好少野咋．．．佢地有個新冰櫃裝Barf肉,亞Pat話如果再唔食糧可能會考慮比我試下．．．食Barf真係會健康d咩???

下一站係今日出動既目的就係去Three Dog Bakery買糧，好彩有２磅裝如果到時又唔食都冇咁sin...不過再唔食真係要睇下vet啦,,,唉！！！

又見度可樂仔同比高仔，佢地個個星期都黎玩．．．係出面玩左一陣真係好熱都係入返去睇床床，亞Pat提議用我d生日利是錢買床床或者冰墊wor...OKOK！！！

5月16日 ~ 又一好去處

2009-05-16T10:49:00.000-07:00

陪佢地去完洗牙，仲林住放我行下長堤，洗完牙出黎d雨仲落大左，唯有係袋袋入面等埋佢地食時新漢堡．．．

可能尋日又唔食野齋飲水水，所以一時急起上黎係袋袋入面懶左尿尿．．．原先想去探表弟妹，被迫返家沖涼涼，攪下攪下都成四點幾，唯有去新地方浪澄灣行下，呢樹又幾好行又乾淨又好風又可以自由行，唔錯bor等我地得閒都黎行下先！！！

Dinner去左奧海城食，食飽又返去行下吹下風，又有好多狗仔朋友wor．．．好野我終於有得去大啦，因為臨出門亞Pat比我試食Three dog bakery既糧糧，等佢入返少少貨先，希望以後我都肯食啦！！！

5月15日 ~ 成功登錄Yamm

2009-05-16T09:06:00.000-07:00

亞Pat今日帶光光試下Yamm,我又成功登錄而且好乖咁等佢地進餐，光光都讚冇介紹錯真係幾有水準，重quality not quantity...呢個月尾前仲有優惠添，誠意推介比大家＠＠

食飽飽去左CWB shopping，去埋HV陪我散步仔．．．住呢樹真係幾正幾優皮，不過亞Pat坐係樹蔭下休息比好多蚊蚊針．．．接近六點啦．．．食埋dinner至返家，食下野撞到隻八歲白威前輩，佢個樣好似Bully家族成員超可愛!!!

5月14日 ~ 食粥

2009-05-16T07:33:00.000-07:00

我呢幾日冇咩胃口完全冇食糧糧淨係飲水水冇去開大添，所以冇咩力氣玩玩齋瞓瞓．．．攪到佢地好擔心．．．

後尾光光煲左粥粥比我食食當係清下腸胃，果然有粥我就肯食咁即係唔肯食糧糧啦．．．我知我又係好跩．．．不過d狗糧真係好難食><．．．連敏e都鄧我慘慘!!!

5月10日 ~ 我至愛的地方

2009-05-10T07:50:00.001-07:00

好野我至愛既Petmax我黎啦．．．

今日有隻BB松鼠狗仔叫可樂，佢好鬼屎得意連我都想保護佢，佢一同狗仔玩到癲左我就飛身撲埋去同woo爆另一隻狗狗，因為我驚佢地蝦可樂，不過其實係我唔識玩，仲似為佢地打交．．．

可樂好like follow me...我唔會主動同佢玩只會保護佢，莫非我真係想要個細佬狗仔？？？

玩完去左九龍塘食tea, CG既tea set要３點後先有，咁試下呢間啦不過都係唔夠CG好味．．．

買完餸要返家洗白白啦，洗完真係又白又乾淨C服晒！！！

5月9日 ~ 遊車河

2009-05-10T04:55:00.000-07:00

幫光光處理完家務事去左昌榮食BB鴨，順便問路去雙魚河公園，不過好多人都唔識去．．．

記得森美姐姐話要由後門入，我地搵到後門但有位哥哥話唔入得要由前門入，去到金錢村荃麗花園正門個實蕉又話要係會員先入得．．．唉！！！森美姐姐你下次再去記得影張後門相比我wor...唔該你先^ ^

算啦當係遊車河，決定去西貢行下．．．不過買唔到鮮奶包比太婆食．．．真可惜！！！
亞Pat比左少少雪榚我食，我第一次食原來咁好味．．．不過佢一定係傻左啦．．．如果唔係冇可能發生．．．

最後一站係去太婆家食飯飯，我咁醒一早已經lat埋係枱底等食啦，我地仲買左大大粒既士多啤梨比太婆食！！

5月6日 ~ Rice Burger or Hot Dog?

2009-05-07T03:47:00.000-07:00

又比亞Pat玩殘...佢放左我係張床中間上面仲用個cushion壓住我...攪到好似個rice burger 定係 hot dog咁...

激屎...不過又幾C服wor...我仲瞓左半粒鐘都唔願走添...嘻嘻!!!

5月5日 ~ 被迫轉糧

2009-05-07T00:41:00.000-07:00

最近又唔太願食artemis既osopure...所以瘦左d仲摸到好骨感...仲有聽聞呢隻osopure遲d會唔出, 所以都係時候轉糧啦...

唔知點解最近咀毛又黃左,但手手同腳腳既毛竟然白返...真奇怪??? 希望轉左呢隻牛油果羊味會好d啦...轉糧呢家野真係要夾狗,人地得未必自己得,都係博下嫁咋@@...真係冇辦法!!!

5月3日 ~ 懷念時新漢堡

2009-05-03T05:44:00.000-07:00

計一計起碼有好幾個月冇食時新漢堡啦，就今日啦順便行下長堤添．．．佢地話水準依然掂

不過今日真係幾熱行到我個樣好似笑笑口咁，見有張chair即刻匿係下面遮個蔭先，好熱熱都係去陪光光買餸餸今晚食雞雞．．．yeah!!!

5月2日 ~ 改行程

2009-05-03T04:37:00.000-07:00

原先約左朋友仔去行西灣不過佢地有事要取消，另外Bob Bob我地下次補返同你慶祝啦．．．

光光提議去村龍擇嗲，食飽飽沿路行下,原來好多人都係行去城門水塘...

跟住再去探表弟妹，表妹個樣都幾秀氣，祝你快高長大，遲d可以同我一齊玩啦．．．　

5月1日 ~ 遊SZ

2009-05-02T09:36:00.000-07:00

S話有直通車去SZ好方便．．．好啦你地三個去啦我係屋企乖乖等你地返來．．．

行下商場食埋亞土麵線，燒餅，玉米汁．．．全程都係陪S買野,逛左幾粒鐘腳都軟晒，返來坐都唔坐下就即刻同我落街啦，佢地真係好緊張我呢個小白威！！！

4月29日 ~ 白威珍藏

2009-04-29T19:58:00.000-07:00

好開心Karen ee係英國買左一d白威珍藏比我地,亞Pat好鐘意既白威毛公仔,袋袋,磁石...

早排TaTa係英國都買左返黎比Nico boy,已經睇到得個恨字,今次終於如願以償啦,好多謝Karen ee呀...

亞Pat話林返起當年去西歐個時仲未養我,又未咁真正鍾意白威狗,所以而家都好後悔一d產品都冇買過呢!!!

4月28日 ~ 感恩

2009-04-28T03:30:00.002-07:00

亞Pat時時教我做人做狗都要存有感恩之心,所以我要企出黎同大家講句:

多謝大家比面出席我既生日派對,仲好多謝Agnes,Joliot,Mane,Eva,Dee,Karen,Ivan,DemDem,Felix既生日gifts,樣樣都好岩心水又實用...我仲時時喉住d零食添...嘻嘻!!!

4月27日 ~ 悠閒遊長洲

2009-04-28T03:30:00.001-07:00

最開心係weekday去離島冇咁迫又悠閒，不過亞Pat近排腸胃不適所以有少少暈船浪．．．一落船買藥油搽好似成個亞婆咁．．．

長洲好似冇咩特色餐廳，所以入左一間裝修好少少不過唔太好食既set lunch,後尾租單車踩吹下海風行下沙灘都好C服...見度有人穿緊包包搭緊棚for今個星期既搶包山用，我地都買左兩個平安包返家保平安．．．之後食埋好好味既tea坐船返家洗腳腳lu．．．

4月26日 ~ 探太婆太公

2009-04-28T03:29:00.000-07:00

好耐冇去太婆度，最近太婆身體一般而太公又趺倒，真係好擔心所以今日落雨都要同埋婆婆S佢地黎探下佢地,
太婆太公都好鐘意我，見親我實微微笑．．．不過你地要小心身體呀．．．

今日有雞雞食，我個nose咁靈一聞就知，所以時時喉住個焗爐等食，今晚有雞鴨鵝三寶做餸正wor...

4月25日 ~ 生日派對

2009-04-26T09:42:00.000-07:00

今年既生日派對雖然人唔係太多,但我地幾個朋友仔都玩得好開心...亞Bob狂撩我同亞Be玩,佢雖然身形大隻但都玩到好似小朋友咁,跳都笨笨地好得意...

嘩GD的食物真係超級有水準,可惜食唔晒有點兒浪費...好開心Eva ee整左個王子生日cake比我...佢好有心思加左個中文(王子)字上去,個cake仲好好味呢...

係等食cake前佢地玩GD提供既pictionary game,個個都唔知畫左d咩出黎比大家估,不過又真係幾好玩笑屎大家...點解冇狗仔game呢???

Toby等唔切食cake走先，可惜果日冇同Agnes & Toby影相添．．．最後好多謝大家比面出席,仲有生日禮物收...感激!!!

4月23日 ~ 原來我都識嗲wor

2009-04-23T23:21:00.000-07:00

好開心敏e今日話黎食dinner探下我,可能佢好耐冇黎所以今日都幾嗲佢,仲主動瞓係佢大脾添...

仲有要多謝敏e手上拎住May ee早幾日比我果封生日大利是...Thanks May ee!!!

4月20日 ~ 青衣城

2009-04-20T06:30:00.000-07:00

仲以為今日會落雨冇街去，好彩一早起身放晴，不過驚會好似尋日咁落雨所以都係行下長堤．．．

今次行青衣城對出個海旁，感覺幾好wor好C服．．．唔錯唔錯行一粒鐘算啦一陣返去沖涼，下次再黎過！！！

4月19日 ~ 掃興行長堤

2009-04-19T08:42:00.000-07:00

原先今日佢地冇plan帶我去街,不過我係佢地著緊鞋由sofa底行出黎仲用可憐既眼神望實光光，佢一見到即刻心軟...嘻嘻我終於奸計得逞有得去街街@@

不過去到長堤行左唔夠廿分鐘影埋左少少相已經開始落雨雨，仲愈落愈大添．．．激屎奸計最終失敗＞＜

今光光煲左豬肚湯好好飲呀，好彩我都有蛋糕食！！！

4月18日 ~ 探表妹

2009-04-18T10:01:00.000-07:00

上次偷偷去左醫院探Michiko但就冇唔敢出袋袋，所以睇唔到表妹個樣樣，今次終於可以黎探下佢啦．．．

好開心又多名成員，表弟似乎好錫妹妹成個大佬咁．．．好啦我祝表妹快高長大身體健康！！！

4月16日 ~ 我５歲啦

2009-04-16T08:09:00.000-07:00

時間真係過得好快今日我已經５歲啦．．．今年既生日願望係我地一家人身體健康同幸福快樂．．．

雖然今年正日亞Pat工作超忙冇時間同我去cafe食餐飯,唔緊要啦因為佢地已經為我準備左生日cake,呢個cake係Eva ee上次整既淨返果半個，都仲好好味．．．多謝晒！！！

4月14日 ~ 牙石棒

2009-04-14T01:03:00.000-07:00

亞Pat之前睇日本狗仔link有類似既牙石棒賣,佢不嬲自己都有用開仲係N年前買落,唔通要我用佢果支咩!!!

後尾搵到呢支超平既牙石棒,試用左真係可以new到d漬出黎,不過真係要好小心同輕輕new d牙石牙漬,仲有唔可以經常用,如果唔係會磨損牙齒表面琺瑯質...切記！！！

P.S 我都唔明已經日日刷牙仔都仲咁黃,有隻係好入位置既牙仔已有少少黑黑地添,可能同以前細個時時嘔同食橙,食飯,食飽有關啦...個口仲好臭添,點攪呀?有冇人可以指點一下呢?

4月13日 ~ Take a good rest

2009-04-13T03:47:00.000-07:00

尋日行足幾粒鐘返家後亞Pat話佢個喉嚨好似火燒，緊係啦之前早幾日已經有少少唔C服,所以今日要睇醫生休息一下．．而我就食下骨骨，咬下咬下都成兩粒鐘啦．．．

影返張多謝利是相，大家睇下我個斜bear眼，我個樣極之不願意因為比人收起左舊骨骨又要玩頭頭頂利是，體諒下啦！！！

4月12日 ~ Hiking@Long Ke + My Pre-BD

2009-04-13T01:59:00.000-07:00

今朝一大早接左敏e同L&A family會合去hiking,大家泊左車車係北潭涌食埋早餐再坐的士入東壩．．．沿路已經覺得好靚．．．好興奮呀

開始行啦仲邊行邊影相，Leo&Abby同我都不知幾開心,行到山崖都幾恐怖所以我地要on lead,就怏見度浪茄灣，嘩真係好靚水清沙幼，仲有好多人wild camp狗狗都一齊camp...

好啦搵個地方野餐，Eva ee整左sandwish,我地帶水果零食．．．敏e仲瞓係石上好好享受海風,休息一輪後再好努力辛苦慢慢上返去東壩睇洞穴，佢地仲係攀爬入去又要抱住我地三隻狗仔，之前睇電視介紹呢樹有義工隊黎洗石頭，d人好衰寫左好多字上去，洗石真係唔容易嫁，大家千期唔好咁做，影響生態自然環境．．．

爬返出黎我地已經筋疲力盡，仲要行成條長命樓梯先有的士搭，坐返的士去拎返架車車，再去西貢食tea...

好多謝Eva ee個home made cake我好鐘意食真係有意思我仲拎左一半走留返正日食過,同埋好多謝敏e大利是比我自己買禮物．．．Thanks!!!

4月11日 ~ 錦鋰養殖場

2009-04-13T00:11:00.000-07:00

今日亞Mic提議帶我地去睇錦鋰養殖場，出發前去左亞蘇同Eva ee介紹果間昌榮茶座食豬扒包紅豆冰唔錯唔錯，不過個煎雞尾包好唔掂，下次要黎試埋BB鴿...

呢個錦鋰養殖場又幾大設備又幾好，不過價錢仲好呀＠＠，再去睇多兩個場．．．好攰啦返去亞Mic屋企花園嘆撈麵飲lemon juice．．．之後去婆婆家食dinner,好野我有三封生日利是，多謝婆婆S同埋Mic...表弟話送超人比我做生日禮物或者係Nike鞋鞋wor,比佢笑屎！！！

4月10日 ~ 享受假期

2009-04-12T22:40:00.000-07:00

真開心有四日假期，第一日一定係family day la，去搵表弟食過tea先，撞到兩隻白威仔佢地都細過我，仲問亞Pat美白心德，緊係指我d毛色啦wakakaka，不過我已經唔係以前既白狗仔啦＠＠冇咩資格賜教啦．．

照舊食飽遊單車河，一路踩一路欣賞每戶既特色裝潢，真係好享往呢種生活好寫意，唔需要太多物質只需要接觸多d大自然感受一下清新氣息已經好足夠，希望有一日可以搬呢呢度住．．．

一早出發去田中食dinner 5:15已到達但排晒長龍．．．亂打亂撞終於搵到一間好有水準既小炒，用料新鮮又好味，老闆話齊齋呢叫做緣份．．．食到大家lam lam利,之後食埋B Boy糖水至返家．．．好滿足呀！！！

4月9日 ~ 平衡力

2009-04-08T19:26:00.000-07:00

大家睇下我個平衡力係咪好好,每朝光光都會咁樣由房拉我出黎廳...我咁lazy次次都唔會落地行...爽呀!!!

4月5日 ~ 一粒鐘行長堤

2009-04-05T05:33:00.000-07:00

今日天色沉沉唔想去郊區，去行下長堤算啦，可能今日冇咁曬所以好多人fishing,有個ee同我講：狗仔小心魚絲呀，我咁醒緊係冇踩住，不過多謝ee提醒...

行足一粒鐘啦要去翠華食魚蛋麵奶油豬雪榚咖啡，再陪亞Pat shopping...返家後摔完面面又要洗白白，今晚加餸有Omega 3食好野＠＠

4月4日 ~ 港燦出城遊SZ

2009-04-04T21:07:00.000-07:00

光光同亞Pat真係港燦，好似鄉下仔出城咁，好彩有Eva ee& Dee哥哥帶路去坐公車仲有地鐵，同埋食好味午餐行街街shopping唔錯唔錯，不過又話趕得切返黎同我去cafe食dinner,整整下去左YL食Vietnam food＠＠

3月29日 ~ 落雨天的節目

2009-03-30T07:18:00.000-07:00

一早又落雨天陰陰冇咩地方去，又想見班老友記就緊係狗仔咖啡室啦．．．

好多隻芝華華，有隻追住Leo吠到唔停,有隻追住亞Be個petpet,有隻一琴我就比我還擊死未，我至憎細狗仔，佢地一踩我我就會發癲．．．

另外有隻husky狂聞我petpet,光光抱起我佢仲推開光光個身示意要我落地地．．．光光同佢個主人仲有隻狗講我結左婚唔好攪我wor,真係比佢笑屎．．．

今日場面幾混亂唔多留啦返屋企食飯，Eva ee好有心帶左台灣手信仲有百香果用黎整果凍比我地食．．．不過今日光光失準個茄汁牛腩有少少咸．．．可惜！！！

3月28日 ~ 西貢下午茶 + 拜師學廚

2009-03-27T21:12:00.000-07:00

臨去同公公婆婆食飯前去左一轉西貢食下tea,天陰陰都係著返鞋仔，不過沿途好多人讚我著鞋好叻好得意仲同我影好多相．．．呢對鞋仔已經比我著殘左啦，希望今年可以物識到一對好似呢對一樣for黎緊既雨季著囉．．

公公指定叫光光亞Mic學煎蠔餅仲教左佢地一d技巧,唔知下次到佢地下廚掂唔掂呢？？不過佢兩個廚藝不嬲都有番咁上下！！

開完餐後仲有生日cake,祝公公生日快樂，我地班仔仔女女好明白你既心意，至緊要你開開心心！！！

3月22日 ~ 短聚w/Hibe

2009-03-22T06:50:00.000-07:00

臨出發前落微雨仲以為要改地點，好彩去到Petmax冇咩落雨咋，亞Be到左啦不過我地要續証先可以去playground玩...

我今日好好火，串爆全場撩事創非，睇隻隻狗都唔順眼，除左我個亞Be公主,其他都woo爆佢地，可能今日好焗熱．．．後尾比光光cool down我入返室內同亞Be涼冷氣

跟住去win street食個tea,Karen ee食唔切要趕住返工啦，Ivan哥哥同我地買完糧一齊返家lu!!!

3月21日 ~ 單車樂+鐵板燒

2009-03-22T05:39:00.000-07:00

表弟今日病病仲以為唔可以黎探佢，好彩睇左醫生出一身汗好返好多．．．我地仲約左Eva ee佢地黎食個tea,佢地話對住個湖食tea好好feel...參觀表弟屋企順便踩單車...Eva ee要去接返Leo & Abby佢地去左剪毛毛，一陣重要入住狗酒店添，你地要乖乖幾日好快過嫁啦．．．

今晚食鐵板燒又幾好味wor,仲配埋亞Mic同事係日本自己種既米，真係幾正wor,我都食左唔少呢！！！

3月20日 ~ 鬆一鬆

2009-03-21T20:18:00.000-07:00

亞Pat最近做野好忙，所以要請返日假鬆一鬆食下野行下街，約埋婆婆S佢地嘆個lunch行下街好寫意，間餐廳好好feel好好view坐outside enjoy cloudy day...唔錯唔錯!
但我就冇得去啦，放假都唔帶我去玩玩,不過算數啦有時你地都要有自己既節目！！！

3月15日 ~ 冇停過

2009-03-15T08:46:00.000-07:00

光光一早去左買餸，返黎整豉油雞煲定湯，亞Pat幫我修毛毛，跟住帶埋我去食tea,行左成粒鐘去買家品,返家後沖涼吹毛毛...整完都成七點啦，跟住又要煮飯，敏e都黎埋開餐．．．真係好忙下wor但都幾充實...佢地好似仲忙過平時去街街唔停咁做！！！

3月14日 ~ 士多啤利園+旦王花

2009-03-14T20:11:00.000-07:00

去左表弟屋企附近間餐廳食個tea先．．．跟住去摘士多啤利，今日好曬都係由光光落田．我地等食好啦．．．．Leo,Abby好受歡迎好多人同佢地影相，Eva ee同光光摘左半磅咋，因為d士多啤利唔太靚．．．跟住一路食住一路等亞Be一家...

亞Be,Karen ee, Ivan哥哥黎啦好耐冇見，我地一見面即刻狂玩相撲，睇黎我地真係好掛住大家，影下相吹下水再去草地玩下，我同亞Be玩得好投入好瘋狂．．．呢片草地都唔錯，又可打波波又有豬豬，兔兔，羊羊，仲有BBQ唔錯唔錯．．．

之後同Eva ee，Dee哥哥去旦王花食泰菜，果然好好feel環境好靚食物都唔錯，Dee哥哥果然好推介．．．