5月14日 ~ 今晚食咩野

今晚食豬肉+魚魚...依然係超好味...不過呢份量實在太小啦...亞Pat,光光如果我可接受食多小小份量, 又唔嘔嘔, 下次比多D我食食啦...唔該!!
不過今朝一起身嘔左小小黃膽水, 唔知係咪豬肉, 定唔夠飽呢????

5月13日 ~ "全全"哥哥生日飯局

我D毛毛長得好快，亞Pat又幫我小修，今次個型都還ok...
亞Be仲未到...落街行一陣仔先...敏e同我狂奔， 但我好似走唔郁咁...攪咩呢!!!
到啦到啦佢地...恭祝"全全"哥哥生日快樂，身體健康，心想事成,又買車車...Karen姐姐同亞Be鍚晒你，仲有我darkgor仔一家同敏e添...所以一定要有cake慶祝一下啦!!!
佢一落機就即刻過黎我地屋企啦，仲買埋魚生同意大利帶返黎既手信，真有心，都話唔好買野黎嫁啦...咁客氣嫁！！！　
我同亞Be仲玩得好開心，追玩具接波波，我仲表演頂波波添，又有雞雞，豬豬，薯仔同紅蘿蔔食...正呀!!









　

5月12日 ~ Crossover Day Part II

繼上次同真光書院姐姐仔初次交流同認識，今日就同埋佢地一齊出差探訪老人中心，D老人家不知幾醒目，同我地玩遊戲仲問我地問題添...好攪野...老中青crossover,估唔到係咁開心，快樂既時光總係過得好快...佢地個個都好唔捨得我地bor...唯有狂影相留念啦！！！
仲有要讚下Karen姐姐,佢今朝一收工，就即刻帶埋亞Be趕去幫忙，真有心！！都話佢人靚，聲甜，心地好嫁啦

最後我同亞Be要祝：公公婆婆身體健康，仲有真光姐姐仔學業進步！！！　　

5月11日 ~ 個半鐘既路程

見涼涼地，由屋企開始行遠少少啦...一來一回總共個半鐘...我回程已經頂唔住，要光光抱一陣仔...可能真係冇咩行山，所以都有少少頂唔浦...真係渣豆啦狗仔!!!



　

5月10日 ~ 再見了! 床床

我呢張床好厚好舒服嫁, 不過終於要 "忍著淚說一聲goodbye"....因為個內膽有好多我既嘔味....好臭呀!!! 好彩我有多一個spare內膽, 同埋問Icy攞左個圍邊, 加埋又係以前張床床啦...好野!!!
亞Pat話想學整個床cover比我, 等我可以轉下個pattern...冇咁悶woo, 唔知今次要等幾耐呢???

5月9日 ~ 痾爛CC

慘慘...尋晚自己走入籠籠痾軟CC...我都係第一次咋, 攪到佢地好擔心添...唔怪得果日我咁嗲啦, 因為肚仔唔舒服...
有兩個可能性 : 1)食左一節玩具(早兩日) 2)食豬肉+瓜湯...唔知邊樣出事仔!!!
但今早仲好想食糧餉,但佢地唔比比...要清下腸胃woo...

早兩咬爛左仲食左一節膠波波, eee 奇怪今次唔係鬧得咁金咋, 好彩咋...佢地話我大個仔,唔想出手打我同鬧咁多, 要學自律woo...
屎啦, 通常食左呢野, 好有可能會嘔嘔嫁, 但今次冇只有痾爛C...真係自己攞呢衰啦...
不過要同Karen姐姐講聲唔好意思,呢份生日禮物比我整爛左啦...

5月8日 ~ 食好D(豬肉絲&合掌瓜湯)

見Ku仔，芝拔佢地咁識enjoy life,我都想"食好D"...
光光今晚幫我準備左豬肉絲同合掌瓜湯, 正呀...由於驚我嘔嘔，所以分二次食食，落完街上樓又食過...
唔知點解今晚好嗲佢地，可能係佢地太有我心啦，所以都要扮下野嗲一次咁多啦！嘻嘻嘻！

5月7日 ~ 小丁站食dinner

好耐冇去小丁站食dinner, 亞Pat話好掛住果度d台式奶茶@@, 好野有得去玩啦，順便買糧餉woo...
今晚成個場好似比我地包晒咁．．冇狗仔陪我玩玩，唯有玩玩具．．．

5月6日 ~ 早餐與晚餐

見咁好天，一早call亞be食早餐，雖然係一陣仔，但都已經好開心，因亞Be今日好熱情，仲唔捨得我地走添．．．之後去左KT同win street，仲買定止血粉，亞Pat話想試試幫我剪甲甲woo...
光光原先應承整鴨胸比我食，但後尾又話飲魚湯同食魚魚+薯仔woo...都好啦總之有得食就ok...

5月5日 ~ 比Husky拍頭頭/可樂車

臨去婆婆屋企前，去一轉西貢，今日冇咩狗狗woo,可能落雨日啦...不過有隻husky用手拍我個頭頭，攪到我有少少驚驚...但佢地仲係度笑晒唔理我，哼！之後又要陪佢兩個食tea...亞Pat我都想order野食呀！！！
後尾去埋婆婆屋企食反同玩可樂車,表弟唔係度我就可以霸住坐,正呀,幾型仔仲好襯我添！！

5月3日 ~ 慳返$350

亞Pat話慳返350蚊洗剪恤...所以佢今日買反本有一張白威做model既書比我睇woo...佢同光光話果隻白威又係眼仔細細，側面有少少似我woo(真係唔知醜)...wakakaka....其實係佢地好想我似佢就真啦．．．哼！！我就係我．．．白威皇子呀！！！

5月2日 ~ 洗剪恤

經衰人傳授美容技巧...而我果日個look實在太似長毛飛啦...
尋日一去完街街,即刻沖涼,吹毛...亞Pat下定決心先向我個頭出發...纖啦,剪啦,拔啦,剷啦...放膽剪啦亞Pat,次次都剪得鬼咁少...我知你想我keep住我個頭脹脹look, 不過太長唔好睇嫁....
結果全套服務足足攪左二粒鐘...今次整得好唔好呀???

5月1日 ~ 探ku仔

好耐冇見一班朋友仔Icy, Puffy, Hibe同ku仔啦... 一定要date一date ...不過今日真係熱爆，Icy同Puffy都未去過yaku roof玩玩，真係唔好意思啦ku仔,我地個個都尿尿,攪到污"租"晒!!!
大家吹左一輪水後，去左食泰野，好好味呀．．．　
今日好可惜見唔到芝拔一家．．．幾時再可以去yakuhouse玩玩呀ku仔???