5月18日 ~ 我的畢業典禮

今日係我既大日子我終於畢業啦,亦即係正式成為動物醫生...好開心呢...加上呢個新既動物公園第一日開幕...雖然地方細小不過又多一個地方比我地玩玩....
亞Be係我師姐佢今日係黎續証,所以我地可以一齊上台宣誓,我地仲舉起左手仔一齊宣誓就職,好攪野...
之後我地去左亞Be屋企等全全哥哥同敏e一齊去布袋澳食sea food BD dinner,因為今次先至係正式同全全哥哥補祝生日,最緊要我地大家都好有心...最後去埋黃埔食糖水仲勞煩全全哥哥車我返家...真係唔該晒!!!

5月12日 ~ 轉地方(全全BD)

今朝一早去黃埔食早餐，跟住又可以行下長廊，不過今晚都約好係呢頭集合，因為plan好左同全全哥哥慶祝生日食海鮮dinner,但點知亞Pat去到先覺得個人愈黎愈唔舒服，後尾仲去左睇醫生，呢個假期日日食藥，早兩日又去mok智慧齒添．．．攪咩呀敏e都話你今日面青青．．．你要保重身體．．．
所以呢唯有取消行程暫時去左亞Be屋企叫外賣同食birthday cake,不過對我同亞Be呢講係好消息，因為我地又可以係屋狂奔，我好鐘意亞Be屋企，因為實係可以係玩具區搵到骨骨食．．．＠＠
Happy BD to you, Happy BD to you, Happy BD to Ivan.....切餅啦許願啦全全哥哥，我地祝你身體健康，事業更上一層樓，兩個索女(Karen & Hibe)陪伴左右...Happy family...
唔好意思呀全全哥哥我地下個星期再去食過seafood BD dinner啦,今日係預祝，下次係正式嫁啦！！！

5月11日 ~ 再遊荃灣長廊

原來萬景峰商場有間franc franc,去完食Mos burger再去買大浴巾，最近佢地咁鐘意黎呢樹，原因係近條長廊可以比我行下，今次行反方向對住珀麗灣碼頭開始行，原來係好長仲好好行添，所以佢地都比我off lead自由行，由呢個方向行沿途都撞到好多狗狗嫁．．．以後又可以時時黎啦！！！

5月10日 ~ 趕場

佢地今日有事去左上環順便試下勝香園出名既檸蜜脆脆，茄牛通粉．．都好多人排隊又係落緊雨所以都排左半粒鐘先有位．．．味道冇想像中咁正，好似茄膏湯底，奶茶冇咩茶味仲好甜，不過個檸蜜脆脆就好脆好好味．．．
之後返黎同我落街趕住同婆婆佢地食飯飯．．．攪到我行左一陣仔就要去走狗啦，冇法啦驚冇位呀！！！

5月4日 ~ 日本國的兒童節

由於日本國兒童節正日係聽日５月５日，所以只好提早今日慶祝，呢個日子通常都會一家人食飯慶祝，我地準備左份gift比表弟，而佢婆婆仲特登係日本寄左一座好貴重兼具代表男仔既武士比表弟，要放足一個月添呀仲唔可以比人touch，表弟好乖真係唔敢touch,不過我就係企高索左一下即刻比亞Pat鬧...＠＠
之後我著左件Icyma送既日本衫同佢地影相相，Michiko都讚我靚仔又應節．．．今日Michiko準備左涼涼地既日式lunch比我地品嚐，樣樣都好好味，table setting又好有心思，之後仲有home made almond biscuits＾＾勁呀．．．婆婆偷偷比我食蝦條，後尾緊係比亞Pat鬧佢啦．．．＠＠
果隻H5N1識講左好多野，日文加廣東話最攪野係扮狗叫road road road．．．笑屎我地＠＠，下次希望你識叫我個大名啦！！！

5月3日 ~ lunch w/Hibe + 荃灣一遊

今日陪佢地去海逸洗牙，洗完牙緊係行下海旁順便同亞Be一家食個quick lunch...食飽飽就各自散，我地去荃灣一遊，首先陪亞Pat行荃豐，再去萬景峯行下，因為我地個前鄰居搬左呢呢樹，果然好多野食，外型又唔差只係遠左少少，行去西鐵都係十分鐘咋，仲有條海濱長廊幾好行嫁，知不過我地三個都行到腳軟，今日行左好多路，等下次再黎行過啦．．．其實荃灣係一個幾集中既地方，食野買野都好方便，唔怪得前鄰居咁推介啦！！！

5月2日 ~ 火炬狗

今日係一個好有意義既火炬傳送日子，亞Pat一早就幫我帶左紅色scarf坐係電視機前支持d火炬手...唔知點解突然好想做隻火炬狗．．．如果可以比我咬住支火炬棒係Park Lane慢跑咁就好啦．．．
今日落雨雨都冇咩地方準備帶我去，所以佢地去左又一城睇柴犬奇蹟物語，亞Pat勁讚拍得好感人佢仲喊濕左兩張紙巾添，光光都眼濕濕．．．真係值得推介比大家睇，因為好彩係happy ending！！！
睇完戲冇落雨見個地乾返先帶我落街街，咁我緊係有紅色scarf同collar set，連光光都著棗紅色衫，好彩亞Pat個袋都有紅色，我地一家人全成支持奧運．．．Yeah!!!

5月1日 ~ 短聚

假期第一日去探亞Be,聽講佢有少少唔C服，亞Be你冇野嗎，果然食左葯葯係慢左少少行得唔耐，所以今日都係短聚一下仔咋．．．
跟住去買餸餸準備今晚既dinner,因為敏e黎痴餐...叮噹叮噹welcome 敏e，都知近排超忙冇時間黎探我，不過今日光光準備晒你至鍾意既新鮮雞肶，台式皮蛋肉鬆豆腐，金姑菜，仲有現菜湯湯，之後仲有芒果同埋敏e買黎既cake cake添．．．真係超豐富！！！