10月22日 ~ Leba III 使用前

最近d牙仔愈來愈黃...仲有口氣添...都已經晚晚刷牙仔嫁啦...食過羊骨不過都唔係除到好多牙石,可能我唔太識咬骨骨啦...同埋唔知係咪同時時嘔嘔有關呢???
好多人都推介呢支Leba III, 所以亞Pat都林左一排先肯買黎比我用...希望對我d牙石有幫忙啦...如果唔係就sign晒d錢錢啦...個小姐仲叫亞Pat同我影張使用前既相比較下二，三個月後有冇好轉添!!!

10月21日 ~ 取消行程（亞Pat病病）

原先今日約好亞Be去新地方，點知亞Pat睇完醫生食左葯葯好wing...所以唯有取消行程,唔好意思亞Be,Karen ee...我地下星期見啦！！亞Pat眠一眠陪我落左街街，不過d葯太勁啦．．佢行得好慢又wing...
你快d好返啦．．．唔洗太擔心．．好人有好報啦！！！

10月20日 ~ 補祝May ee生日快樂

May ee既生日都過左一段時間，不過我地有心唔怕遲，May ee你唔好嬲嬲wor...雖然我今日冇得去，但都補祝你生日快樂，身體健康，衣食無憂，青春常駐，幸福開心．．．下次記得帶埋我去，原來可以比我坐outdoor嫁，亞Pat話果兩隻poodle好enjoy食tea．．．
言言又大過左wor仲聽講佢好主動識鬼佬添．．．吹脹！！連澄澄d英文都講得好好添．．．簡直係模範幸福家庭既典範！！！

10月19日 ~ 太婆家攪生日Party

見放假佢地一早去左唱K行街街．．．跟住S ee黎探我，我仲陪佢玩電腦．．後尾仲去太婆屋企同亞Pat表哥Nelson慶祝牛一（即係．．我叫佢做咩呢？表舅父呀？）祝你生日快樂，你架新車車好型仔，下次比我坐坐影張靚相wor．．．
今日有好多人好開心好多野食添．．．不過我有d跩跩．．偷食太公既麵包同偷飲地主公茶茶．．．可能係太為食啦．．唔好意思呀太公！！！

10月18日 ~ 有人去威

今晚亞Pat有台灣朋友嚟香港要招呼人地...所以佢又唔可以陪我落街街啦...光光解釋比我聽做人做狗仔都要有心...要互想照顧...下次去台北人地又會一樣熱情招待返你啦...我明啦光光...過我都想亞Pat快d返黎wor!!!!

10月17日 ~ 一個字''爽''

每日按一按真係爽到爆....唔好比佢停...唔該!!!

10月16日 ~ 嘆多一陣啦

我知你地要返工...比我嘆多二分鐘啦...近排又涼爽咗咁多...好正嫁wor...

10月15日 ~ 長書枱既好處

有咗呢張長書枱真好,咁我又可以同亞Pat一齊,佢有佢玩电腦,我有我瞓瞓ZZZZZ...所以簡單既生活已經好開心同滿足幸福ga啦!!!!

10月14日 ~ 白天鵝黑天鵝

光光話亞Pat响屋企巳經係白天鵝黑天鵝ga啦...今日終於可以比我見識一下真正既黑白天鵝...佢地都唔出声好靜wor...都唔似亞Pat!!!我都係比較鐘意白天鵝,佢地白白淨淨好靚呀...好似我囉!!!死味@@

10日13日 ~ 新書枱

嘩有張長長新書枱送黎呀...咁我個衣柜同舊書枱點算呀？dum咗？好唔捨得wor...呢d叫送舊迎新wor!!!
敏e今晚請食crab同炸鷄wor...聽講佢好似激嬲某人要陪罪請食dinner...d crab好好味咁wor,不過又無我份啦!!!!

10月12日 ~ 整野比我呀？

今次又有d咩攪作呀? 整野比我呀? 希望亞Pat你唔好好似上年咁整咗一半又放棄啦!!!!

10月11日 ~ 睡前做Yoga

通常臨瞓前都會有少少按摩,不過今晚試玩愉伽,聽講可以潔淨身心幫入睡添ZZZZZZZ....
不過可唔可以按耐d呀好舒服....聽日都要按wor!!!

10月10日 ~ 亞笨與亞占??

HiHi大家好...我叫笨Dark,呢個叫占Sir...我地係新組合...專鬥攪攪陣冇幫襯...占Sir係亞Be同Karen ee送比我既,多謝晒你地...由今日開始佢巳經係我條靚,一日係大佬一世都係大佬,我行左你唔可以行右,知冇!!!

10月9日 ~ 扮晒野

仲林住扮下野唔食三宝...佢地真係收起左wor...其實係我真係好想食嫁,求下你地比返我啦,,,唔該晒@@

10月8日 ~ 星星飯碗

嘩星星飯碗呀...好靚wor...仲有三粒銀色狗糧添...唔香又硬...玩我咩!!!
原來係光光換灯泡...你小心d呀!!! 個灯泡係我有份幫手買嫁,大家話我係咪好乖仔先...