12月24日 ~ 平安日遊Petmax

佢地今日平安夜放早，跟住帶左我去Petmax逛逛，有車車坐可以一路慢慢睇有咩賣，不過都冇買到野比我，後尾出左去個好大既平台狂奔，仲有幾隻狗狗陪我玩，真係超開心，光光又肯放繩比我跑跑，果隻白威BB女布甸一路跟住我跑又狂錫我咀咀，真係熱情，好似亞Be公主咁對我wor...另外有隻黑色poodle著埋鞋仔都跑得好快，我跟本都追唔到佢．．．好犀利呀，呢度真係幾好玩，下次叫埋d朋友黎玩下先．．．
之後約左婆婆同S去APM食dinner,祝你地聖誕快樂，身體健康，飲勝！！！

12月23日 ~ 人類的聖誕爬地

今日係人既聖誕party,我同亞Be冇份玩，因為有位ee驚狗狗同埋有兩個好可愛既BB仔，所以我去左亞Be個嫲嫲屋企同佢玩玩．．．
Karen ee佈置到間屋屋好有聖誕氣氛，好多禮物d灯飾又靚．．．聽講佢地玩得好開心，又抽獎又有禮物收，又有打B爐,真係有得食有得玩．．．好彩你地玩完仲識得去接返我，真係打攪晒亞Be嫲嫲,唔該你照顧我！！

12月22日 ~ 探太婆 & 做節

聽講太婆唔舒服，咁我提議去探太婆，今日又係冬至我祝太婆身體健康仲有太公同ee添．．．你要多d休息..
好開心連好少講野既太公都讚左我四次，佢話我又乖又唔吠仲好似獅子仔？？？有白色獅子嫁咩？？？
好啦要去婆婆屋企做節，嘩好多野食wor...烤雞，牛柳，意粉，三文魚，沙律，蛋糕，羅餸湯，咖啡，香檳．．．好豐富．．真係辛苦晒婆婆同S,真係超好味，不過我就冇咩可以食，唔緊要一陣亞Mic舅父實等亞Pat睇唔到咩都比我食食．．．希望聽日唔好嘔嘔！！！

12月20日 ~ 磨牙樂

耐唔耐磨下牙仔都好d...我我磨下大牙，再磨埋吸血彊屍牙．．好攰呀中場抖抖先．．．

12月19日 ~ 黑袋白狗

亞Pat買左個毛毛新袋，林住比我入袋試下，如果OK既話,可以用佢黎帶我落樓下餐廳食野．．．
你當我識軟骨功咩．．放返我出黎啦．．好迫呀！！！

12月17日 ~ 很悲慘的電影

呢套戲好慘慘仲有d殘忍添...小白對主人咁好，但遭遇係超慘，仲要比狼狗咬頸而又比壞人打．．．睇到光光眼紅紅，亞Pat仲喊晒，最唔鐘意睇狼狗咬小白條頸，好想幫手救佢，總之睇完個人好唔開心．．．．．．．
佢地話比起勇敢忠心既小白，我已經好幸福嫁啦！！！　

12月16日 ~ 唔打針得唔得呀?

大獲啦．．．今日原來係打針日，仲要連打二針添，實痛屎我，醫生唔打針得唔得呀？？？
不過臨去打針前搵亞Be食個早餐先，又去食漢堡包呀．．食完野行左一陣，夠鐘去打針針，好彩亞Be陪埋我去，原來我得7.05kg咋，不過點解好似好聚手，光光亞Pat時時都話我重左好多ga wor????
到我啦．．．好彩連打二支都唔係真係好痛，不過上返車車已經好軟，後尾返到屋企亞Pat幫我除衫衫都有少少痛到喊喊兩聲．．．瞓左幾粒鐘之後好返好多啦．．．佢地話我今年叻過上年wor...

12月15日 ~ 探表弟

臨去婆婆屋企前，先去探下表弟順便食下tea，係戶外食tea又可以比我坐坐，唔熱又溫暖感覺岩岩好．．．果樹d人好多都好鐘意狗仔,所以我最like係呢樹玩．．．
Michiko已經佈置好晒聖誕樹，好有聖誕feel...同表弟玩左一陣去婆婆屋企食飯飯，今晚好好餸，我又有口福啦．．．

12月10日 ~ 山頂公園自由行

好難得可以假日上山頂，因為可以比車車入到督督，果個山頂公園可以比我自由"song run"，今日有婆婆，沙朗，Michiko同表弟一齊向山頂出發．．．到步啦，食下麥記包包先，跟住就跑跑，真係開心．．．原先光光唔肯放我，但亞Pat知我心意比我自由行左一齊陣，一放繩有兩隻poodle仲陪我一齊"song" run,跑左一陣我又走去另一個公園，最尾比Michiko追返我，亞Pat一見到我叫stay,我都有乖乖就範，比起以前好好多啦，我會加油ga la...
今日玩得最開心係我同表弟，光光仲表演爬樹，後尾我同表弟都有爬，佢係我後面一路推我，嚇屎我啦．．．佢都冇時停，又學沙朗玩yoga，真係比佢笑屎．．．太陽就落山係時候去又一城食飯shopping la,好啦下次再黎玩過啦！！！