12月25日 ~ Shopping@Christmas Day

今日安排好既聖誕high tea要取消啦真係可惜．．．有人未病好冇計啦．．．冇得high tea依然去shopping買gift比朋友仔．．．有冇我份先？？？

佢地臨出發前都同我行耐左少少街，今次仲可以比我係一少段路off lead添．．．第一次咋因為幾樹好多馬路所以一直唔敢放我自由行．．．希望再有下次啦！！！

12月24日 ~ 少許傷感的平安夜

其實今年既聖誕亞Pat有少少傷感,因為佢公司繼亞E之調派，仲有今日亞S之離開，畢竟大家都並事左七年始終有少少唔捨得，希望你係新既領域大展所長．．．祝福你！！！

亞Pat好掃興已經病左二個星期，今朝又要再睇醫生．．．註定你今個聖誕冇口福lu．．．

由於亞Pat唔C服．．．S同婆婆好有心去左買魚生壽司仲幫手整意粉同沙律，我地order左Pizza,KFC雞雞同大家一齊分享．．．表弟愈來愈多野講唔停口．．．d廣東話仲進步神速添．．．同屋企人一齊過既節日都係最溫馨同開心．．．祝大家聖誕快樂！！！　




　　

12月21日 ~ Lunch@LKB & Times Square Shot

約左L & A一家去LKB食個lunch...吹下海風散下步好C服...今年都係第一次著新衫去街，不過天氣真係熱左少少，連平時好鐘意著靚衫去街既L & A都冇著衫衫，攪到我好似發冷咁．．．

算啦因為一陣要去TS影靚相,個本地創作師好勁．．．亞Pat好like佢d公仔icon有東洋味，鬼鬼怪怪幾過隱．．．

我地影左一陣個天色已經暗淡左啦冇咁光，人又多希望下次再影過啦．．．準備去食野既途中撞到Davis哥哥，因為佢約左毛子呢影相，再黎撞到Demi姐．．．真係有緣．．．

食完dinner準備行去拎車順路去DOL行下，竟然撞到毛子萊萊同Davis佢地...真攪野．．．咁我同毛子影左幅相遇照後就拜拜啦．．．CWB真係旺人流啦！！！

12月20日 ~ 做節@西貢

中國人冬至一定要做節，所以今日同埋太婆，Vicky,婆婆，S仲有表弟一家去行下西貢食海鮮做節．．．
雖然係冬至但一d都唔凍反而好溫暖好C服...
呢度有paul X'mas tree都幾靚去影下相．．．行下市中心撞到2S主人，大家say左hello拜拜後．．．
亞Pat有一種感覺，覺得2S女主人好幸福，可能2S媽媽個樣好和善有關．．．　　
嘩好多野食好好味仲好大碟．．．不過食唔晒．．．打包打包啦．．．回程時表弟拉實我跑，我唔願跑停低搵亞Pat求救．．．個樣仲好慘慘．．．表弟真係跩跩啦！！！

12月17日 ~ 便宜的聖誕裝扮

我不嬲都冇聖誕衫衫．．．亞Pat見今年有件超平既X'mas衫衫仲有帽帽咁就買返呢同我影下相應下節law...

12月14日 ~ 親戚團燒烤樂

我地呢班親戚感情好好，今次去其中一位屋企BBQ,我都係成員一份子緊係唔少得我啦．．．呢度空氣清新仲有海景同綠色樹樹草草，又兩個大細路一人捉左一隻蟹仔添，至衰今日冇著鞋所以冇得行濕泥地，如果唔係我實捉埋一份．．．一定多過佢地呢＠＠

太婆今日好精神仲好開心，佢時時叫亞Pat光光比多野我食，但亞Pat淨係比包包同一片橙橙咋．．．孤寒到脾．．．

個個都研究點解我唔會吠叫，連婆婆今個都勁讚我，好比面我wor...hehe....

成班親戚有講有笑又齊心,希望類似既活動明年可以再多攪,同大家一齊時間真係過得好快又開心,我地遲d又有太婆生日飯局到時又見面啦,仲約埋新年食齋添，林起都開心!!!