12月31日 ~ 除夕dinner

今日佢地最終都可以放早少少，接埋亞Pat咁就去Teddy's cafe食西餐...嘩今日咁凍仲要坐outside,好彩有兩支大暖爐，唔係實凍屎．．．好耐冇黎啦，呢度個老闆好鍾意westie,佢送左餅餅同水水比我，真係當我係小朋友一樣，真係好啦又有位坐又有得食，得閒帶多d我黎啦．．．
今日order左個steak, 蝦蝦芝士飯，蠔一客，同亞Pat至愛焦糖焗蛋，真係好好味呀．．．d 麵包最岩我食食．．．我係度祝光光亞Pat身體健康，新一年新景象，樣樣順利，開開心心，同埋恭喜光光升職加薪，加油努力呀，我地支持你！！！
食完野返屋企等count down,２００８年呀．．．原來都有少少煙花慶典仔，祝大家新年快樂！！！

12月30日 ~ 感謝日加聖誕禮物大晒冷

過晒boxing day啦，終於可拆開d禮物晒冷啦,嘩好多零食同玩具呀，今次真係有排食有排玩啦．．．
好多謝Kelvin,Eva,Che,Anges,Ivan,Karen,Gilbert,Ivy,YYx2,Elsax3,Joilot,敏e．．．既禮物同幫忙，果日真係唔該晒咁多位咁出力幫我地一家人，感激不盡!!!敏e亞Pat準備左d遊戲都冇機會玩添，真掃興..
希望下次gathering再玩過啦．．．

12月29日 ~ 補祝敏e生日

好難得我地先夾到呢一日同敏e補祝生日，今日首先去清水灣郊野公園"song run"...真係唔該晒全全哥哥接送埋我地，佢知道光光隻腳腳仲未好返，特登車埋我地嫁真夠朋友啦．．．
嘩呢個郊野公園真係幾大又有好多BBQ場,全全哥哥拉住我同亞Be狂跑一輪，攪到我地散咁d精力,之後亞Pat又比我自由行左一陣,咁我又乖乖都冇咩亂跑，今次又進步左啦，我知道光光亞Pat好開心嫁，不過亞Be仲叻女定左好多好多添呀．．．
係時候去布袋澳食sea food dinner,敏e既至愛...我地都係第一次去咋，d野食都幾好味咁,至好味係聖子同尿尿蝦，仲有shell shell...飲柸．．．祝敏e生日快樂，身體健康，心想事成！！！今餐滿意嗎？？？

12月28日 ~ 契媽的聖誕禮物

我個契媽真係幾錫我嫁．．．呢條collar set係佢比錢亞Pat買嫁,我時時都話有呢個契媽敏e真係好啦！！！

12月27日 ~ 粉紅色頸巾

亞Pat終於整好今個冬天第二條粉紅頸巾啦，不過今次唔係織比我嫁，係送比亞Be公主嫁...可愛嗎？

12月26日 ~ 美容日＠犬工房

同完太婆，婆婆，表弟佢地飲完茶，去埋我地屋企坐坐，表弟黎玩左一輪先走．．．
之後仲林住同我沖涼．．．但係光光隻腳腳又未好返，同埋亞Pat已經唔識修我個背同群邊，所以決定要搵犬工房d姐姐哥哥大修一次,之後亞Pat跟返個型剪就掂啦．．亞Pat同光光坐左係度睇我剪毛沖涼都有兩粒鐘．．個姐姐好似剪得還可以，一般Pet shop既白威裝，不過亞Pat睇唔太慣我個頭髮短左，眼毛短晒變左惡樣樣，唔洗驚我d毛毛長得好快嫁．．．到時又做返飛仔look ga la...wakakakakakaka

12月25日 ~ 驚險聖誕BBQ

好開心聖誕節又到啦，我地成班狗仔：Leo,Abby,Hibe,Toby,Puffy,Rocky,Choco,Gaspard，仲有敏ee,Joliot ee去左龍古灘芭堤雅BBQ,未開始燒烤我地一齊上山山吹吹風，欣賞美景做下運動，仲有我又可以free walk真係好開心，我今次又有少少進步啦．．．好啦肚仔餓係時候BBQ,燒左一段時間光光話去toilet,一去好幾個字，跟住．．．．．大家開始四維搵佢都冇人影，後尾先發現光光被架車車整親腳腳，仲要call白車去醫院，真係擔心屎我地．．．好彩唔太大問題，好多謝大家出晒力去搵光光，仲幫忙打點一切，仲有全全光光車我返屋企同埋敏ee照顧我，攪到大家咁掃興真係唔好意思啦．．．＠＠
仲有尋日係Abby生日慶典，好彩我留係場地同你一齊慶祝食蛋糕，祝你愈來愈可愛兼靚女，身體健康，乖乖．．等光光隻腳好返d，我地再約出黎玩過啦，我都祝大家聖誕快樂！！！