11月30日 ~ 川龍飲茶 & 笨Dark遇上好多個亞占 & 又一城影相

今日咁好天佢地又起得早，所以去川龍嘆山水茶，幾年前呢過一次唔記得價錢啦，不過今次真係好抵食５碟野一共六十幾蚊咋．．．好啦下次再黎過

"擇完嗲"(嘆完茶)光光提議去睇亞占，我地準備入去前有位養大犬人士話聽人講，有d亞占會蝦細狗,攪到光光要拎支木棍入去．．．見度好多亞占啦，有一兩隻以為我笨Dark想過去，所以對我依牙．．．亞Pat有少少驚驚地，不過佢地都係扮晒野．．．嘩好多亞占屎屎，一陣返去要洗腳腳...行左一陣見度水塘好C服好清涼．．．又係影相既時候啦

今次行住咁多先要折返啦．．．亞Pat提議去又一城影X'mas Tree同食lunch...今年既tree tree好似平實左少少．．．又係經濟氣候既影響帶動啦...唉 My God!!!

我既聖誕願望係：人人有工開，食得飽飽地，著得暖立立，身體健健康．．．好似好娘咁，不過真係希望如此，願天父拖于厚愛給有需要既人士，祝福大家！！！

11月29日 ~ 表弟的新單車

亞Mic買左架新單車，光光上次係大埔踩完覺得好好玩，今次佢載亞Pat,表弟仲有我去兜風，呢架仲好踩過上次果架．．．新車果然係好順暢．．．

玩左一輪S佢地急call返家打B爐,好野我知亞Mic一陣又偷偷比野我食...不過唔可以比亞Pat知嫁...嘻嘻

天氣有d涼係outdoor hot pot好好feel...太婆同Vicky都一齊打埋一份好開心啦，我至開心見度太婆佢地個個健健康康一齊食野，果種感覺好溫馨嫁．．．

Hot pot完Michiko仲準備左coffee and cake真係體貼啦．．亞Pat至開心係食完正餐又甜品，唔怪得你愈來愈肥啦...！！！

11月28日 ~ 就到聖誕

今年要一如以往去影聖誕燈飾，不過有少少可惜既係以往我影燈飾前都會去Good Dog食狗仔餐，不過今日GD已滿座，但好彩亞Pat係openrice search到呢間Nara Thai food...環境都ok ga...食物各半有d好味,有d一般...至緊要係可以一齊坐...

食飽飽向尖東開始行，好多遊客有加拿大同台灣朋友要同我影相仲有拍video...至衰係出黎果時係袋袋嘔左，所以隻手手好dirty...好啦大朋友８８啦我要睇燈飾啦，大家多d黎香港支持一下wor．．．

今年既燈飾好平淡，海港城果邊冇咩色彩添，唉真係代表經濟轉差啦，可以理解．．香港人香港狗加油呀！！！

11月26日 ~ 動動腦之File格變尿格

我之前用開果d尿格痾完尿尿隻手手都會印到尿尿出黎,唔知係咪其中呢個原因,攪到我會lam多左手手呢??

亞Pat林來林去研究左好多尿格,終於比佢去Jusco$10蚊店買左呢個人用file格試下,開頭我有d驚唔敢用,後尾亞Pat係報紙底加左防滑,咁我就去得安心加放心,同埋少左印尿尿出黎...幾好wor!!!

11月25日 ~ 快手d啦

聽講今個星期會轉涼呀...唔該你快手d啦亞Pat...織得咁慢仲有一半wor...心急屎我啦!!!

11月24日 ~ 今日好開心

點解今日咁開心,唔係因為亞Pat買左兩個G&L袋袋返來,細果個可放我把針梳,大果個可以放水樽毛巾同埋亞Pat個銀包,洗頭電話,化妝袋一剔過....

開心既原因係我頭先落街撞到blog友MOMO妹妹...佢爸爸好犀利一眼就認得出我,仲叫我個簡名dg添...勁wor

MOMO好怕羞好女仔樣好乖巧,佢地好好傾咁bor,可能撞到blog友分外開心啦...理解理解@@

MOMO媽你要小心身體,小心肚肚個BB,而家天氣開始轉涼要分外注意身體呀...希望有機會再撞到你地一家四口啦...88!!!

11月23日 ~ 同學聚舊影沙龍

好耐冇見同學仔毛子啦，萊萊提議去Park Island影沙龍，佢同毛子帶晒腳架大機好勁，相比亞Pat部傻瓜雞真係小巫見大巫．．．

去到珀麗灣join埋Davis哥哥，佢地影相真係好pro，不過今日天色好一般sin晒．．亞Pat同萊萊食完tea開始影啦，我同毛子好乖坐係水池邊做model比佢地三位狂影，亞Pat好surprise原來我可以咁乖咁定坐係樹唔太走開wor．．爭取時間啦就快天黑去行下跑下，我同毛子竟然聯手撩人地，白威真係好齊心，不過係蝦人呢！

光光忙完公司野啦．．佢係荃灣碼頭等我同亞Pat，好啦毛子今次影住咁多先，我地要走先啦８８．．．下次再約去行山山影靚相啦！！！