7月31日 ~ 骨骨cookie

佢地頭先幫我買糧餉順便要多包人狗都岩食既”小丁站出品骨骨cookie”，亞Pat一食親佢就唔停到口，連佢d朋友同表弟一家,敏e個個都讚正野好味唔太甜仲勁脆添．．．不過佢地都淨係比少少我食食咋．．哼！！！

7月30日 ~ 纖毛光新上場

光光咁好第一次幫我纖毛毛，都纖薄左好多幾好手勢woo...咁你以後多d幫我整啦，唔洗等亞Pat整到手痛啦，唔該晒！！！

7月29日 ~ Manhattan Hill一遊

我仲以為今日實冇街去，好彩佢地去完shopping返來仲帶我去行下Manhattan山一帶，呢度真係幾靚，近睇仲grand仲豪．．參觀完一輪後去左美孚食打冷，抵食又好食,不過冇我份食食呢！！！




　

7月28日 ~ ９９的呼喚

一早聽到樓下有９９吠，好想落街街同佢地say hello...琴上sofa個薄睇真d收下風先．．．
光光話等亞Pat休息下先（佢病成個星期啦）至帶我行遠少少．．．
行行下去左南昌站，君汇港，最後去左港灣豪庭食飯飯，返到屋企既路程我已經唔想行，要光光抱左一陣添，真係熱死人同狗啦！

7月27日 ~ 潔齒餅

咁大塊又咁硬既潔齒餅係上次去亞Be屋企時Karen姐姐送比我嫁，亞Pat見我悶悶地就拎出黎比我咬下，因為我d大牙愈來愈黃啦同有少少口臭添，刷牙仔都攪唔掂，點算好呀！！！

7月26日 ~ 美甲用品

呢支尖野係咩來？？　亞Pat過話係幫我修甲用woo...我唔洗整花甲nail art呀，我唔用呀！！！
我知你貪佢有生果圖案同襯反把針梳扮twins．．．哼！！咬下你先！！

7月25日 ~ 光光,Rube牛牛日

祝你生日快樂，祝你生日快樂，祝你生日快樂啊，光光生日快樂！！！光光你同Rube哥哥又老一歲啦．．．
我同亞Pat都希望你身體健康，事業順利，賺多d，開開心心過每一日．．．快d吹爉燭許願啦！！！

7月24日 ~ 湯渣當晚餐

光光通常煲呢個湯實留返d湯渣比我食食．．咁都好過日日食乾糧咁悶！！！


　

7月23日 ~ 煲呔陳

呢條煲呔有少少似曾特首帶開果個款，我只係多左兩條腳．．．亞Pat可能想我似曾生咁叻(正一傻瓜）！！！
不如留返比我行畢業典禮時帶好過啦．．．@@

7月22日 ~ 多謝亞Be一家既熱情招待

同亞Be行左一陣海旁，去佢地屋企食開心dinner，我地同敏e好似VIP咁做大帝，我有雞反食仲有BeBe同我玩玩，正呀！！
好多謝亞Be一家既招待，伯母整既雞雞，湯湯，同全全哥哥既蝦蝦，仲有Karen姐姐既cake cake同埋亞Be　既錫錫．．真係感激同感動，你地為左光光生日攪咁多野，大家都知道你地係冇飯夫妻嫁啦．．實在太偉大啦！！真係好味都爆燈，食到個個肚脹脹，仲又食又拎添，多謝晒呀！！希望下次再可試下伯母既豉油雞啦！










　

7月21日 ~ 熱熱既Hot Pot

今日光光好忙買左好多好多野返黎準備今晚打邊爐，好辛勞咁又洗又煲都唔得閒理我，冇計啦原來屋企人，敏e同佢預祝生日woo．．．佢就好啦有利是收，又有好多yummy野食同cake cake...最難得係S同我合照woo!
我都預祝光光身體健康，事業成功，財源廣進，衣食無憂！！！

7月20日 ~ 第一次食羊膝骨

上次訂左d骨骨,光光拖水比我食食，果然真係好好味．．不過食下食下喊喊仲嘔返d糧糧添，佢地幾驚因為嘔到我呼吸急速，好辛苦咁．．似仲想嘔．．．好彩抖左一陣見冇咩事又再咬過．．．
但係今日我又嘔黃膽水，佢地話會比我兩星期後食多一次骨骨，睇下有冇咁咩情況，如冇事以後可以食食woo!

7月19日 ~ 海鮮晚餐

P & D真有心，知道光光係七月之星就請我地一家三口食海鮮大餐，佢地咁有心，所以亞Pat病病都要去！
不過好似冇咩岩我食woo,淨係食狗糧咋！好多謝P & D呀，下次整返餐過你地吃．．．

7月18日 ~ 繼續試機測試

正一新屎坑...測試部機關我咩事woo...不過消左紅燈,我肯望多左鏡頭呀...亞Pat好似好開心咁,事關我唔鐘意相機, 一見度就走佬ga la!!!

7月17日 ~ 再見了 My dearest Canon

係時候要同陪左我三年既Canon好朋友講byebye...佢係我心目中始終係最好！亞Pat今日帶左Canon條靚返黎應付日日更新既job,希望你都要堅持幫我影多d靚相同拍多d movie啦！辛苦晒啦！

7月16日 ~ J Shop大發現

亞Pat今日行J Shop有大發現，係blue blue水玉collar set...以咁平既價錢已經係好抵買，頭先仲用埋落街街添,都幾好咁bor,總之一個字 ”抵”!

7月15日 ~ 敏e既手信

敏e去完台北返黎帶左亞Pat至愛既台式奶茶做手信,仲有皇后餅店cake cake,不過好似唔關我事冇我份既！哼．．．唔睬你,我嬲呀！