4月29日 ~ 白威珍藏

好開心Karen ee係英國買左一d白威珍藏比我地,亞Pat好鐘意既白威毛公仔,袋袋,磁石...

早排TaTa係英國都買左返黎比Nico boy,已經睇到得個恨字,今次終於如願以償啦,好多謝Karen ee呀...

亞Pat話林返起當年去西歐個時仲未養我,又未咁真正鍾意白威狗,所以而家都好後悔一d產品都冇買過呢!!!

4月28日 ~ 感恩

亞Pat時時教我做人做狗都要存有感恩之心,所以我要企出黎同大家講句:

多謝大家比面出席我既生日派對,仲好多謝Agnes,Joliot,Mane,Eva,Dee,Karen,Ivan,DemDem,Felix既生日gifts,樣樣都好岩心水又實用...我仲時時喉住d零食添...嘻嘻!!!

4月27日 ~ 悠閒遊長洲

最開心係weekday去離島冇咁迫又悠閒，不過亞Pat近排腸胃不適所以有少少暈船浪．．．一落船買藥油搽好似成個亞婆咁．．．

長洲好似冇咩特色餐廳，所以入左一間裝修好少少不過唔太好食既set lunch,後尾租單車踩吹下海風行下沙灘都好C服...見度有人穿緊包包搭緊棚for今個星期既搶包山用，我地都買左兩個平安包返家保平安．．．之後食埋好好味既tea坐船返家洗腳腳lu．．．

4月26日 ~ 探太婆太公

好耐冇去太婆度，最近太婆身體一般而太公又趺倒，真係好擔心所以今日落雨都要同埋婆婆S佢地黎探下佢地,
太婆太公都好鐘意我，見親我實微微笑．．．不過你地要小心身體呀．．．

今日有雞雞食，我個nose咁靈一聞就知，所以時時喉住個焗爐等食，今晚有雞鴨鵝三寶做餸正wor...

4月25日 ~ 生日派對

今年既生日派對雖然人唔係太多,但我地幾個朋友仔都玩得好開心...亞Bob狂撩我同亞Be玩,佢雖然身形大隻但都玩到好似小朋友咁,跳都笨笨地好得意...

嘩GD的食物真係超級有水準,可惜食唔晒有點兒浪費...好開心Eva ee整左個王子生日cake比我...佢好有心思加左個中文(王子)字上去,個cake仲好好味呢...

係等食cake前佢地玩GD提供既pictionary game,個個都唔知畫左d咩出黎比大家估,不過又真係幾好玩笑屎大家...點解冇狗仔game呢???

Toby等唔切食cake走先，可惜果日冇同Agnes & Toby影相添．．．最後好多謝大家比面出席,仲有生日禮物收...感激!!!