9月25日 ~ 中秋賞月飲螢光汁

等光光返黎趕去表弟屋企賞月．．．今日Michiko整左日式中秋dinner比大家品嚐，真係好好味呀．．同埋d餐具擺設好精緻呀，未食都已經好好味，真係有心機！！
食完飯飯出去賞月同表弟預祝生日切蛋糕食月餅．．真開心．．．好晏啦係時候要走啦．．不過亞Pat係婆婆屋企瞓唔同我去．．．你地聽日要坐早機呀，早d瞓玩得開心d呀．．我會掛住你呀！！
之後返到屋企，我唔小心咬左螢光圈仲飲左小小螢光汁，後尾仲嘔嘔添呀．．＠＠，慘慘豬呀．．．亞Pat你唔係我身邊真慘慘呀．．．好掛住你呀！！！






　

9月24日 ~ 執野去邊樹

點解有個喼．．仲放左少少日用品？？邊個用嫁？究竟去邊樹呀？唔好留底我一個呀！！！

9月23日 ~ 海洋公園一日遊

雖然今日係打一號波，但都冇損佢地興致照去海洋公園玩，而我呢緊係安坐家中瞓覺覺啦．．不過係瞓覺途中feel到亞Pat講我是非．．．佢呀狂讚d海豚海狗叻叻，又識拍手，人工呼吸，水中頂波同嗲嗲添呀．．而我呢淨係識食同瞓．．．哼我唔鐘意同人地比嫁，我就係我白威皇子呀！！！
你地就好啦又玩得咁開心．．．之後去埋赤柱食飯仲同表弟預祝生日添呀．．．好啦做表哥我都祝你快高長大，身體健康，乖乖聽話，仲有快d學好廣東話呀！！！

9月22日 ~ 有朋自遠方來

Vivian姐姐出差路經香港順道來看看亞Pat及Lois姐姐一家．．．亞Pat告訴我Vivian, Lois和May姐姐以前在台北都很照顧她...你們大家在工作上都發展非常非常好．．．真的要感謝天父！　
時間過得很快，自從五年前去台北参加同學會，再也沒有見過Vivian姐姐呢! 我Darkgor仔覺得你們很親切，很有人情味，難怪亞Pat那麼喜歡你們．．Lois姐姐你的女兒Justina真是可愛極了,還陪我去散步，好乖啊．．．希望以後有機會再來看我啊！

9月21日 ~ 極速修毛毛

點解又要修毛毛呀???　不過今次真係好快手wor...唔洗半粒鐘就修完啦．．好野．．緊係啦淨係剪個頭兩邊果part咋．．好似聽日有朋自遠方來，所以要整齊少少wor!!!

9月20日 ~ 大閘蟹宴

敏e同光光都勁鍾意食大閘蟹...聽講呢d蟹蟹好涼．．唔可以食得多．．．
不過真係好香bor...連我都好想食食wor...我都知又冇我份嫁啦！！！

9月19日 ~ 再見了小丁站

好可惜呀小丁站係呢個月尾結束啦．．．又少一個地方玩玩啦．．．咁近我屋企真係好可惜．．．
記得佢地由舊舖開始，我地係小丁站第一個客啦．．．係佢地教識亞Pat幫我由啡手腳同甩毛腳到而家白白同亮澤毛毛．．．真係多謝晒呀高人！！！　可能知道冇咩機會再黎，所以同哥基勁玩，不過你把聲好嘈頂你唔順呀．．．臨走前亞Pat又買SPA，尿片，cookie....佢同光光都好唔捨得呢度既人情味，仲有台式奶茶同cookie!!!

9月18日 ~ 捽面器定按腳器？

呢舊藍膠膠大家估下係咩來？　比我用黎捽面面先啦．．好好玩呀．．爽晒！！！
其實佢係腳底按摩器，不過要自己用腳腳踩加埋肥皂泡泡沖涼涼用嫁．．好彩佢地未用唔係我實唔用黎捽面面

9月17日 ~ 日本手信

真係好多謝Karen姐姐既日本手信，你做野咁忙都仲抽時間買野比我，好正斗既禮物呀．．．Juice style既sport wear set亞Pat想買比我好耐嫁啦,．．絲絨靚料嫁又滑又舒服，今個winter又多件衫衫去威啦．．點解你咁叻叻好似知道亞Pat既喜好！！！　仲有鹿肉添零食，不過要等腸胃好返d先食食．．

9月16日 ~ 禁食日

我今朝又嘔嘔啦．．都唔知做咩最近又嘔多左，所以決定今日咩都冇得食食，我咁大個仔都係第一次咋．．
原先亞Pat林住帶我出去行下，最後幫我執完整齊d新衫衫，同埋見我唔太舒服．．都係留返我係屋企休息一下．．直到佢地夜晚返黎都淨係比水水我飲飲咋．．我好肚餓呀...冇得食咁同我落街行下啦．．好彩比我撞到大佬，大卡車．．我好迷佢地嫁又型，次次見親佢地我實反肚扮晒野...你地睇我幾9...呢叫識時務呀！！！Wakakakakaka

9月15日 ~ 同亞Be食dinner

Karen姐姐去完日本返黎啦．．．仲幫我買左d衫衫同埋送左sport set比我呢．．．即刻第一時間去拎啦...又可以見下亞Be公主，一齊去Good dog食飯飯玩玩玩，我仲撩金毛同史立玩玩添，又同亞Be追麵包，好開心．．今日我有禮物送比BeBe就係條毛巾scarf啦連佢媽媽好鐘意呀！！！

9月14日 ~ ANNA SUI Scarf

亞Pat又有新攪作啦．．買左兩條ANNA SUI毛巾仔返黎,話試整scarf比我同亞Be...
個蝴蝶好靚，顏色又襯得靚，仲有波點pattern添．．．為左加條絲帶同波點綴都整到半夜三更．．
辛苦晒呀亞Pat我地聽日送比亞Be呀，我林佢都會同我一樣好鐘意．．多謝你呀！！！