9月28日 ~ 新水煲

最近個水煲d水水有少少怪味，已經落左粉粉去浸，但都仲有味味，所以今日去買返個新既，咁我順便可以行下海旁佢地又可食漢堡包，一舉三得．．．唔知係咪同水質有關我d毛毛有少少黃左,希望轉左個新水煲，飲返d冇怪味既水水，人同狗都健康d！！！

9月27日 ~ 試菜+表弟生日快樂

今日同亞Be去LDC食個lunch,坐低冇幾耐有隻黑威女同我地一齊玩玩，佢好可愛好活潑．．．我地一陣要去試菜，西莎新出品，食到我地利lam lam....超好味...平時齊食乾糧好悶呀...
跟住要趕入去同表弟慶祝生日，原來太婆佢地都黎埋好熱鬧．．．Happy Birthday to you...祝你快高長大，乖乖聽話！！！

9月26日 ~ 我與Bob Bob有個約會

亞Pat好錫我怕我悶左幾日，一返黎已經幫我安排同Bob Bob見面...今次係我第二次見佢，仲可以比我地free walk at cafe,Bob Bob好主動撩我玩玩又跳又彈，佢玩足全場冇時定仲超為食添呀，我地仲扮千屎帶同一樣既Gaspard et Lisa scarf...QQQQQQQQ，Demi姐都讚亞Pat推介既日式牛肉飯好味．．．
我地遲d會再約去第二間cafe玩玩．．．真係期待！！！

9月25日 ~ 終於返來了

終於返來啦．．．由於亞Pat太tired太掛住我．．．唔記得影低同我相聚果一刻．．．
你好似肥左wor．．上海菜真係幾濃味又油嫁．．．咁你要食返少d啦，不過睇你都係介唔到口嫁啦．．．
今日真係好開心同安心，一定好好瞓啦ｚｚｚｚｚ

9月24日 ~ 沒有亞Pat照顧的第五天

白天遊黃浦江完全同夜遊唔同，白天感覺好似落粧既女人，夜晚好似去Ball既晚粧咁．．．之後去左成隍廟旅遊區食
生煎包，小籠包．．．同埋買飾物
準備前往機場，但由於之前有２４０班機延誤，所以定我地又要住多一晚機場酒店，等聽日返香港．．．冇那那由５天變６天．．．咩咁多謝呀！！！
光光同我講呢個消息，攪到我幾唔開心呀，冇晒引頭啦！！！

9月23日 ~ 沒有亞Pat照顧的第四天

參觀完寒山寺，寄暢園就要離開蘇州前往上海夜遊新天地,黃浦江，明珠towel，．．．感覺好似香港海旁．．．超級多人好熱鬧．．．
我個心仔終於定返好多．．．因為亞Pat仲有兩日就返．．．不過今日打８號波，希望冇影響回程日子啦！！！

9月22日 ~ 沒有亞Pat照顧的第三天

今日落左無錫睇下太湖之大，真係超大有四百幾個香港咁大．．．所以坐船只係遊覽一細圈如果唔係要一頭半個月時間．．．之後夜遊蘇州見度有人影結婚相皆因滿街紅燈籠好靚別有風味．．．
至於我今日有d扭計仔，唔食糧糧．．．可能有少少唔開心啦．．．希望光光會明白我既心情啦！！

9月21日 ~ 沒有亞Pat照顧的第二天

呢度叫"烏鎮"江南水鄉，坐小船遊覽風光，再參觀龍井茶園．．．
大家睇下我係門口等亞Pat既情景，雖然我平日都唔太痴身，但係我而家真係好掛住佢....