6月30日 ~ 生日派對(Hibe,Toby,Rocky,Charco)

今日有成二十幾人十幾隻狗仔參加Hibe,Toby,Rocky,Charco生日派對．．場面好攪野，人有人玩，狗有狗玩，食，追，打．．我今日對住哥基仔有少少跩boy,可能大個仔左有少少火,不過後尾都冇野啦！！　
Karen姐姐攪左兩個遊戲比我地玩，第一個係尋找主人，第二個係比賽STAY得耐，我兩個都win左，仲有禮物添，好野！　
亞Be今日特別靚女，條群著得又靚，祝你同Toby,Rocky,Charco生日快樂，day day is happy day...
最後仲要多謝Karen姐姐既美味通粉同手信，我同亞Pat都勁like！

6月29日 ~ 送比邊個嫁 ？

咁多禮物比邊個嫁? 原來係為左聽日個party,好似有幾個朋友仔同亞Be生日,亞Pat唔該幫我準備d禮物，咁你扣起我d利是錢買gifts啦...

6月28日 ~ 小丁站識左新朋友BoBo

好似好耐冇去小丁站啦，亞Pat好掛住果度既台式奶茶同cookie，好啦今晚約左老細吹吹水，去到見到新朋友"BoBo"同舊朋友"小勒"添，好野有得食有得玩,其實佢地兩個都好文靜,可能係女仔啦，淨係得我玩得癲咋！
唔緊要啦，有狗仔朋友陪坐我已經好開心啦！！

6月27日 ~ 三餸一湯

咁好今晚有三送一湯woo．．．正呀．．．仲有牛肉同飯後橙橙添！！　所以頭先落街痾左好多CC...爽晒！！

6月26日 ~ 有要求

我好急C.C.呀...出面又咁大雨,你地又掛住睇TV,可唔可以理下我呀...等我用可憐既眼神啤住你地先,有要求呀..理下我啦!!!

6月25日 ~ 用後感

尋日游完水沖涼涼，之後就係用呢塊強力吸水布擦乾個身，都ok woo,快乾過以前d毛巾添，尋日有d金毛同husky都用佢woo...

6月24日 ~ 07仲夏海灣驚青青

可能尋日朝早嘔嘔，肚仔未好返今日都好似冇咩心情，知道有街街去都on居居咁...
一著左Life Jacket就知原來係swimming...好野有船仔坐，你地唔好迫我游水水woo,我一向對游水餚底仔嫁啦．．光光仲拋左我落船迫我游，不過我都係好快游埋佢個身撲下抓下要抱，亞Pat話我游得幾好，不過有d驚青仔．．不如返岸邊玩下沙同食下沙算啦．．wakakaka!!!
沖完涼好肚餓添，去食飯飯，佢地仲食埋法式糖燩蛋，yummy yummy,唔知今日消耗左幾多卡路里呢？總之就係勊勊啦，返家啦886！！！

6月23日 ~ 三週年

唔經唔覺光光同亞Pat已經養左我三年啦，今日亦係佢兩個老夫妻註冊紀念日添，對我地一家都好有意義．．
好野有骨骨蛋糕，仲有新玩具慶祝三週年，最衰今朝嘔嘔，如果唔係仲可以食大舊d...
記得我係04年6月23日黎呢間屋住，個晚要瞓籠籠仲要係toliet，所以我喊喊豬，佢地就放埋我同籠籠係房瞓，跟住就唔喊啦（幾奸）！！其實我係一隻唔太吠叫既狗仔，佢地都好滿意我既表現．．
我都祝光光亞Pat，恩愛同開心，健康同富足，感謝天父！！！

6月22日 ~ 白膠鞋

又買．．唔係化？！？．．咁好著咩？有冇我既size亞Pat,買一對，唔係應該買二對比我woo...

6月21日 ~ 灰膠鞋

依咩...灰膠鞋??? 點解亞Pat好似講粗口咁??? 仲有點解咁似我d玩具BB膠陣味,買比我咬嫁???

6月20日 ~ 強力吸水毛巾

呢條巾巾寫到真係好似好勁咁bor...講咩都假等我今個星期沖反個靚涼試下吸成點先...

6月19日 ~ 端午節睇龍舟食手握雞絲壽司

好野去睇爬龍舟啦．．．不過去到都差唔多完啦．．．食個早餐加午餐，吹下海風先！！！　最衰唔夠時間啦，如果唔係坐船去橋咀島行下．．．
為左今晚做節去左九龍城買雞雞，亞Pat叫光光準備糉糉比我過節，後尾唔識整，變左手握雞絲壽司添，真係攪笑啦，唔緊要啦有得食我就勁開心嫁啦！！

6月18日 ~ Mega Box

一放工光光同亞Pat帶左我去Mega Box睇野同食飯，不過都好似冇咩特別野睇咁，應該係比較岩d要裝修既人士，另外仲有賣布藝都岩亞Pat行下，不過都冇買布布整我張床床woo...淨係買左綠藍波點cushion,算啦都幾好睇仲好抵買添啦！！

　

6月17日 ~ 父親節山頂行

一早起身亞Pat整左份愛心法式父親節早餐比光光食食，佢話都係頂唔順個條硬包包，parma ham就好好味woo算啦光光亞Pat係咁上下嫁啦！！後尾等亞Be call上山頂行山山，今日冇咩落雨，又唔曬好正，食完tea，開始行山山，圍山一周行左一粒鐘多d....我同亞Be真係變左二隻hot dogs...但真係好開心，行山對身心好有益嫁．．．快樂既時光好快又過去，亞Be我地兩星期後再見，你爸爸媽媽唔係香港你要乖乖woo...
後尾同光光去食dinner慶祝父親節，而我只可以係袋袋瞓瞓，都好我行到腳仔軟晒添．．．
最後咁我都祝光光，全全哥哥身體健康，心想事成！！