11月29日 ~ 溫暖牌

嘩@@... 終於整好啦,呢幾日咁凍岩晒,今年真係守信用wor,雖然手工麻麻地，不過加埋Gaspard et Lisa key holder可愛得多啦...質地軟綿綿唔吉頸，今個凍天有左佢真係溫暖啦，多謝亞Pat同埋織左兩下咁多
既光光，你地真係好錫我！！！

11月28日 ~ 小心著涼

今日好凍呀，亞Pat叫光光一定要幫我著衫衫落街街，著左好似真係暖d wor...大家都要小心身體呀，記得著返件衫出街呀！！！

11月26日 ~ 拋波波

睇準個波波個位置啦光光．．．不過你拋得太高啦．．．我差d先咬到呀．．好好玩再拋過呀．．．唔該晒！！

11月25日 ~ 有驚冇險hot pot day

Hi表弟我地又黎探你，嘩多左好多新盆栽仲有聖誕花花好靚呀．．．亞Pat話下星期都要去買聖誕花好似上年咁佈置一下．．．好啦出去行下，食下tea set啦，去埋公園行下今日天氣好好．．．同表弟玩左一輪，開始hot pot,Mic舅父又狂比野我食食．．．所以我最like佢..個個食到好飽入屋坐下，而我就陪Michiko洗碗，後尾．．．．．．．．．．．．．．．．．．．．．．．．．．．我唔覺唔覺由屋行左出花園再行埋出外面，都有成個字時間，之後佢地搵晒成屋先發現我唔見左，好彩光光同Mic舅父係隔幾間屋既馬路邊搵返我咋，最好彩既係當時冇車經過．．．如果唔係後果不堪設想．．．．＠＠．．．．總之有驚冇險，真係要感謝天父保佑！！今次真係嚇屎亞Pat...對唔住呀我一時貪玩咋，下次唔敢啦！！！但係林起表弟一見返我即刻伸手叫yeah...都幾攪笑．．．
不過光光同亞Pat都要檢討話以後更加要小心睇實我呢個跩boy wor...　

11月24日 ~ 拜見大佬

光光亞Pat今日各先各精彩，不過佢地去街前都帶我落街街．．．
又係你呀大頭B,尋晚先撞見你，今日又見啦，拜見大佬B,係呢幾個屋苑你出名勁料，連金毛都驚左你，好彩你唔蝦我，重當正我係你條靚保護我．．．真係唔該晒！！！

11月22日 ~ 引我

嘩好香wor d cake cake...整舊呢食下好wor....唔好齋引我啦．．．至多我扮傻笑比你地睇，我係cool boy好少笑嫁，比下面好wor!!!!

11月21日 ~ 試織

光光話要試織一下wor,好啦一下咁多啦...好似真係識織咁bor...所以我特登坐佢隔離陪佢織...加油呀光光!!!

11月20日 ~ 球球是道

好耐冇玩頂波波啦，今日一定要玩返夠本，亞Pat唔該抱個波波比我呀，我跳呀彈呀頂呀....頂返比亞Pat接．．．one more time．．．今次要高d!!!

11月19日 ~ 小白威御用袋

亞Pat見度Karen同ConCon用呢個白威袋, 第一眼已經一見鐘情．．．好彩S幫佢買到仲送埋比亞Pat, 如果買唔到, 我知佢實心掛掛．．．
不過呢隻小白威個樣都幾cool, 又幾似Bully家族wor．．．亞Pat話如果個袋既顏色sharp d仲好bor．．．女人就係咁真係心多!!!!而家日日落街用，果日S一送比亞Pat,佢就即刻帶我落街試用啦，正一新屎坑！！！

11月18日 ~ 暢遊太平山頂

今日一早起身上去太平山頂行山山，食食下野見到．．聞名不如見面既BeBe一家，第一次見面你地好呀，你真狗個頭頭好大好QQQ．．．好啦唔左你同朋友仔聚聚，我地行山山啦．．．８８
行下行下又撞到雪雪一家五口，又係聞名不如見下面仔．．你地好大陣容，好happy family　wor,我好羨慕你地一家狗咁開心，唔知我真正既父母係澳洲好唔好呢？？？希望你地身體健康，開開心心．．
好啦繼續行埋果一半路程，終於行左一個圈啦，後尾仲陪亞Pat光光食ice-cream,今日既節目好健康．．今晚仲有雞雞反食添，正呀．．．我好滿意呀！！！







alt=""id="BLOGGER_PHOTO_ID_5134153160683129874" />

11月17日 ~ VIP到訪

好開心今日有三批人黎探我，首先有婆婆同S,之後有表弟一家，夜d有敏e添...
我同表弟一樣至鐘意熱鬧既氣氛，表弟見我fashion show就即刻攬實我影相相，我都feel到佢愈黎愈鐘意我，因為敏e一抱起我，佢就要敏e放返我落地地．．．
今日佢地比好多野我食食，平時冇得食既野，舅父Mic佢地就咩都比我食食，不過就實係比亞Pat鬧屎．．．佢地啦!!!因為怕我嘔嘔囉，光光今日煮好多野食有steak,groose liver,pasta,parma ham,仲有vegetable soup，所以我有湯湯飲，好味到呢．．．唔知點講：）

11月16日 ~ 多用途scarf

條scarf好似用黎圍頸ga wor,做咩扮頭巾圍住我個頭頭同眼眼呀？？我都唔鐘意潮look,冇眼睇你地啦！！

11月15日 ~ 白威皇子的新衣

行catwalk對我呢講係冇難道，今日為大家介紹兩款07 Fall Winter New Items,都係紅色為主，第一件係Gaspard et Lisa樽領冷衫，另一件係Fiorucci Italy既兩面夾綿有帽毛毛外套．．特別嗚謝三位好人：Eva,Karen同Karen個friend幫我訂衫至拎衫到亞Pat手中...唔該晒！！！
我係一個冇咩笑容既cool boy　model,希望今次既演譯唔會悶親大家啦．．．多謝收看！！！