6月29日 ~ 禮物之準備

天呀今朝又係落雨呀，成個天都黑晒所以我即刻痴實亞Pat隻腳,我仲試圖入袋袋．．．好彩佢地見我咁驚都帶埋我去食野，買禮物同買餸．．．光光話今晚煮蟹蟹，敏e我知你好想食，不過今晚冇你份呀．．下次下次啦
好彩我今日都出左去散二次步，鞋仔都濕濕地啦，亞Pat唔該你幫我整返乾佢呀．．．之後仲整理d生日禮物比朋友仔,希望你地會鐘意啦，小小心意唔成敬意！！！

6月28日 ~ 雷雨行西貢

好耐冇去西貢行下啦，見停左雨就即刻出發，一到步都冇雨落，我仲all左CC同New New．．．爽晒．．．
行到一半亞Pat抱起我影相，一影完即刻落大大粒雨啦．．激氣＠＠．．．咁我地就衝入餐廳避雨同食tea...一路食一路行雷同超大雨，嚇屎我啦．．．即刻跳去要光光抱，仲成身震晒添．．．不過佢地好似好enjoy咁食tea，點解攪到我好似好細膽咁嫁！！！

6月23日 ~ 四周年

今日係四周年紀念日呀,即係四年前既今日佢地帶我返黎呢個屋企度住,我真係好幸福,有光光同亞Pat既悉心照顧...好感激你地既養育之恩...佢地仲特登係DOL買左個cake仔比我食食,多謝晒呀超好味呀,亞Pat仲請左半日假話陪我切cake,其實係佢自己想行街就真......
其實今日亦都係佢地既紀念日,不過今日亞Pat腸胃一般,所以就簡簡單單食餐飯,佢連至愛既甜品都食唔落,真係好少可....小心身體呀...最後我都祝你地兩位身體健康,開開心心,心想事成!!!

6月22日 ~ 新朋友BoB仔

其實亞Pat同靚靚既Demi姐時時都話約埋出黎行山山，今日終於實現左啦，仲帶埋個新朋友BoB仔比我見下，好難得嫁因為BoB仔既主人唔係Demi姐同Felix哥哥．．．不過佢地對BoB仔愛護有加,希望好快你地可以成為佢既主人啦．．．咁我地就可以時時date一date啦...
HiHi BoB仔，我係型英帥靚正既白威皇子殿下，你叫我Darkgor哥得啦平身啦．．．介紹完後我地兩個好思文咁錫下聞下對方，跟住就開始一齊行山山啦，佢好似唔太願意行，有時我仲等埋佢一齊行添，可能大犬真係好怕熱啦．．．加油呀．．．食多兩粒冰啦，唔好中暑呀．．．今日有遊客要同我影相，唔該一幅廿蚊放落我個慈善基金度啦．．．＠＠．．．wakakakaka...
由於熱熱既關係我地比平時行多左半粒鐘，之後佢地緊係嘆coffee抖抖返下先啦．．．Demi姐準備左份BD gift比亞Pat,我知佢好鐘意，Thanks so much！！！
我發現BoB仔同我相處都幾okay咁bor,希望以後多d見面玩玩啦，下次帶你去Petmax比你"song run" with me la．．．係時候走啦，我地要去paw palace，DOL, Dogroom買gifts比我同我d朋友仔，之後返屋企食羊腣，順便沖涼涼．．．今晚一定好好瞓ｚｚｚｚｚｚ！！！

6月21日 ~ 充實既一日

好少見亞Pat咁早起身，仲幫我手洗左d冬天著過既衫衫，真係唔該晒．．．跟住又幫我修背毛，肚毛，耳毛咩毛都要修修，因為聽日要上山頂怕好熱呀．．．之後再同光光落club hse游水水，佢地講過今年一定要游多d水水,對身體好d,希望對亞Pat既腰骨會有幫助啦．．．
游完水即刻趕入去婆婆家食飯飯，因為今晚有八餸一湯同飯後coffee & cake....yummy yummy....
亞Mic舅父一見度我即刻好似BB仔咁抱起我，佢話我今日對眼好精靈同好白淨好可愛啊，表弟又要餵我飲水水，攪咩我今日咁受歡迎．．．不過表弟今日好跩跩，攪完利是封又攪蛋糕，後尾比亞Mic打獲金，真慘慘．．．
你要記住要學乖乖啦！！！

6月19日 ~ 亞Pat拉肚子

由於亞Pat尋晚食左不潔晚餐，一返到屋企即刻拉肚子，到今朝都仲係拉．．．所以佢請假休息一日，見終於冇落雨即刻帶我落街街行返半個圈先，光光出左差今日先返，等我照顧住你先啦，不過可唔可以比我返屋企眠一眠先，因為我唔慣咁早落街街bor！！！

6月17日 ~ 真狗示範頂波波

今次由我同光光示範玩頂波波動作，佢lead我既頂波波都唔及亞Pat平時lead開我咁精彩，下次再同亞Pat表演更認真版本同埋一d小把戲比大家睇啦．．．

6月16日 ~ 佢叫亞森

我又多條靚啦，係S送比亞Pat嫁，我幫佢改左個名叫亞森(Sam)，佢係一paul好有善心既小森樹（好似我咁囉．．．wakakakaka)，希望佢健健康康，快高長大啦！！！

6月15日 ~ 唔守信用

難得今日竟然冇落雨，所以佢地決定帶我去petmax睇fashion show，去之前緊係要填飽個肚先，佢地去左食Mos burger咁都冇咩問題,最大問題就係亞Pat襯光光開大既時候去左行街，仲試左好多泳衣，仲sign左好時間添，攪錯呀整到我冇得去petmax....
後尾比我自由行返海旁補數咋，算數啦見係父親節，光光唔嬲我都唔嬲啦．．．下次唔好啦！！！

6月14日 ~ 表弟的新玩具

S一考完試就黎探我地，順便返去婆婆家dinner,S今晚整西瓜加菠蘿汁比我地飲，原來真係好好味好清甜．．叮噹！！！開門比表弟先，點原來有架新遙控車，一開始我仲追住佢，亞Mic好奸一開著左車頭灯，咁我就走狗，皆因我怕強光，所以亞Pat而家都減少左同我影相．．．