5月31日 ~ BD Party

今日婆婆,S,太婆,敏e都一早黎幫手準備亞Pat BD party既食物，佢地真係好有心，全部都係亞Pat鐘意既食物．．．之後Vicky同Mic舅父都黎埋開餐,佢地仲準備左d禮物同利是比亞Pat...亞Pat話年紀愈大愈唔注重物質，至緊要一家人開開心心，健健康康．．．不過今年以收到兩條十字架necklace,攪野版同認真版都一樣咁鐘意．．．以後可以同佢地一齊pray用...so meaningful...thanks so much 好多謝大家好似我同光光一樣咁錫亞Pat!!!

5月25日 ~ 好彩x2

今朝一早光光又話想食時新漢堡包，咁我又可以去海旁行下，好彩一行完先至落雨咋，一陣返屋企要沖涼涼，沖乾淨去婆婆家食dinner,今晚好好餸有住家飯食感覺真係好好．．．另一個好彩又係岩岩食完飯d飛蟻先飛入屋屋，如果唔係我地餐飯又會多左一味餸，後尾表弟好乖仲幫忙拍屎d飛蟻，而我又唔可以落地，因為我實食埋佢地落肚，之前都係我第一個發現d飛蟻咋，佢地真係後知後覺＠＠

5月24日 ~ High Tea @Doggaccino Cafe & 夜遊石澳

今日都幾熱熱原先想去珀麗灣後尾都係決定同亞Be去Doggaccino cafe玩玩順便拎之前訂落既羊骨...一到步佢地即刻order野食,因為留返個肚食tea...不過佢地叫得太狂野食到超飽，order左飯，意粉，三層西多，雞翼，同埋四層多士雪糕，仲有咖啡雪糕添呀，真係誇張不過d野食真係好好味添＠＠
我同亞Be,Piglet玩左一陣,亞Pat即刻開包脫水羊腣比我咬咬，攪到佢地都好想食埋一份．．．呢支羊腣真係勁，果然可以幫助磨走牙石．．．勁．．．以後可以一個月食一至兩支啦．．．開心屎我啦＠＠
由於太飽我地都食唔落dinner,所以最後決定遊車河去石澳行沙灘，下次可以黎BBQ添和！！！

5月18日 ~ 我的畢業典禮

今日係我既大日子我終於畢業啦,亦即係正式成為動物醫生...好開心呢...加上呢個新既動物公園第一日開幕...雖然地方細小不過又多一個地方比我地玩玩....
亞Be係我師姐佢今日係黎續証,所以我地可以一齊上台宣誓,我地仲舉起左手仔一齊宣誓就職,好攪野...
之後我地去左亞Be屋企等全全哥哥同敏e一齊去布袋澳食sea food BD dinner,因為今次先至係正式同全全哥哥補祝生日,最緊要我地大家都好有心...最後去埋黃埔食糖水仲勞煩全全哥哥車我返家...真係唔該晒!!!

5月12日 ~ 轉地方(全全BD)

今朝一早去黃埔食早餐，跟住又可以行下長廊，不過今晚都約好係呢頭集合，因為plan好左同全全哥哥慶祝生日食海鮮dinner,但點知亞Pat去到先覺得個人愈黎愈唔舒服，後尾仲去左睇醫生，呢個假期日日食藥，早兩日又去mok智慧齒添．．．攪咩呀敏e都話你今日面青青．．．你要保重身體．．．
所以呢唯有取消行程暫時去左亞Be屋企叫外賣同食birthday cake,不過對我同亞Be呢講係好消息，因為我地又可以係屋狂奔，我好鐘意亞Be屋企，因為實係可以係玩具區搵到骨骨食．．．＠＠
Happy BD to you, Happy BD to you, Happy BD to Ivan.....切餅啦許願啦全全哥哥，我地祝你身體健康，事業更上一層樓，兩個索女(Karen & Hibe)陪伴左右...Happy family...
唔好意思呀全全哥哥我地下個星期再去食過seafood BD dinner啦,今日係預祝，下次係正式嫁啦！！！

5月11日 ~ 再遊荃灣長廊

原來萬景峰商場有間franc franc,去完食Mos burger再去買大浴巾，最近佢地咁鐘意黎呢樹，原因係近條長廊可以比我行下，今次行反方向對住珀麗灣碼頭開始行，原來係好長仲好好行添，所以佢地都比我off lead自由行，由呢個方向行沿途都撞到好多狗狗嫁．．．以後又可以時時黎啦！！！

5月10日 ~ 趕場

佢地今日有事去左上環順便試下勝香園出名既檸蜜脆脆，茄牛通粉．．都好多人排隊又係落緊雨所以都排左半粒鐘先有位．．．味道冇想像中咁正，好似茄膏湯底，奶茶冇咩茶味仲好甜，不過個檸蜜脆脆就好脆好好味．．．
之後返黎同我落街趕住同婆婆佢地食飯飯．．．攪到我行左一陣仔就要去走狗啦，冇法啦驚冇位呀！！！

5月4日 ~ 日本國的兒童節

由於日本國兒童節正日係聽日５月５日，所以只好提早今日慶祝，呢個日子通常都會一家人食飯慶祝，我地準備左份gift比表弟，而佢婆婆仲特登係日本寄左一座好貴重兼具代表男仔既武士比表弟，要放足一個月添呀仲唔可以比人touch，表弟好乖真係唔敢touch,不過我就係企高索左一下即刻比亞Pat鬧...＠＠
之後我著左件Icyma送既日本衫同佢地影相相，Michiko都讚我靚仔又應節．．．今日Michiko準備左涼涼地既日式lunch比我地品嚐，樣樣都好好味，table setting又好有心思，之後仲有home made almond biscuits＾＾勁呀．．．婆婆偷偷比我食蝦條，後尾緊係比亞Pat鬧佢啦．．．＠＠
果隻H5N1識講左好多野，日文加廣東話最攪野係扮狗叫road road road．．．笑屎我地＠＠，下次希望你識叫我個大名啦！！！