8月30日 ~ Dinner@Ding's station

敏e話好掛住小丁站d台式奶茶，所以今日一定要去飲飲．．．我就可以順便可以見下小勤啦，仲有要幫我買糧餉同杜虫葯．．．好似過左兩個月都未食，點做野嫁亞Pat,快比我食啦．．要準時三個月食一次嫁！！！

8月29日 ~ 消暑西瓜

嘩大熱天時咬下西瓜不知幾消暑，正呀！不過真係要多謝亞Pat個同事蓮蓮，佢地今日一齊行city super時特登買黎送比我嫁．．．多謝晒呀．．．幾時帶小白哥哥出黎同我玩玩呀？？

8月28日 ~ handmade狗狗手鍊

呢條咁可愛既狗狗手鍊係Eva ee整比亞Pat嫁．．．幾有心思又靚靚又特別．．．如果再加長d咁我就可以當collar帶埋一份啦．．．真係要代亞Pat多謝Eva ee既handmade gift la....

8月27日 ~ 拜拜你條尾

呢兩個新玩具係May ee送比我既gifts...不過隻虫虫已經比我咬難左條尾啦．．今次真係拜拜你條尾囉＠＠

8月26日 ~ Leo生日聚會

今日係Leo生日大日子，好開心可以同朋友仔（Leo, Abby, Toby, Hibe)一齊玩玩食食追追...
仲有Eva姐姐整既通粉同cake cake,我勁鐘意食．．．多謝你整比亞Pat條狗仔手鍊，佢好like呀!
同埋撞到圖圖，你好英呀仲好白威look添...都係第一次見咋....
祝Leo哥哥生日快樂，開開心心，健健康康...Day Day is happy day!!!!
仲有多謝姐姐既潔齒餅．．．返屋企即刻咬咬啦！！！

8月25日 ~ May e一家黎探我

一早起身即刻去禁地晒下太陽，順便可以補充下個nose nose黑色素...
到下晏May ee一家話要黎我地度游水水，游完個個都讚正，仲話以後要時時黎游下，好呀不過要佢地比返月費過亞Pat同要好似今次咁有禮物wakakakaka，多謝你地既禮物同包包,仲有Aiti姐姐幫忙洗碗碗,下次由你煮比我地食食．．．
提提你呀May ee，記得下次去city super或者犬工房買BB膠玩具比我玩wor．．．好野yeah!!!!

8月24日 ~ 禮品送給誰？

呢d玩具同飲品好似好正咁，買比我嫁...唔係wor...好似要送比Leo哥哥，佢今個星期日有生日會，好掛住你地呀，好野今個星期日可以見面同玩玩．．．
仲有今晚亞Pat要同同事去西貢食海鮮同唱K攪farewell party,光光都有去唱埋一份，留我一個係屋企咋，悶悶呀，兩隻野唱到半夜三點先返，真係過份！！！亞Pat希望佢地前途一片光明，柳暗花明又一村，好人有好報，以後得閒約下飯局聯誼下，下次帶埋我去．．．

8月23日 ~ 白威紙巾

亞Pat見度有白威樣既盒裝紙巾賣．．．即使叫光光買返屋企．．．我估果隻好似係Jelly pet攝影舖隻Jelly...你個樣好得意...不過修下d耳毛仲靚仔wor

8月22日 ~ 收買狗心

光光今晚去威，得番亞Pat陪我,佢怕落雨連飯都未食就帶左我落街痾CC先，所以我成晚都痴實亞Pat．．．
光光終於返黎，仲帶埋包羊加魚既零食比我添（一包得四舊仔咋咁少咁經貴），一定係良心發現啦．．．
通常d人做左衰野就會有禮物做補償嫁啦．．．不過見係新口味，算啦聽日唔好啦！！！

8月21日 ~ 衰腳指夾面毛

光光用佢隻衰腳指黎夾我d面毛毛，好痛呀，我一睇準實咬返你兩啖．．．我尋日先沖完涼涼，仲香香地,你就時時抱實我，仲有整古我，咩你咁衰腳嫁．．．唔好整臭我塊面呀！！！

8月20日 ~ 黃埔海旁食tea

亞Pat今日又放假陪我．．真係好啦．．．等埋光光返黎同我地去黃埔食下tea行下街啦．．．真係寫意啦，唔洗同人地迫，亞Pat話weekday放假真爽！
不過有隻松鼠仔真係惡屎，狂吠我仲jump起想咬我，佢都唔知醜，如果我唔係坐係張橩度，我實同佢揪過．．．屎靚仔，狗仔細細未屎過．．．．wakakakaka
返到屋企仲要沖涼，真係唔想沖又要吹毛毛，好彩今日唔洗剪毛咋．．．光光好似好識掌握吹面毛既技巧，起碼而家冇咁易竅起，連亞Pat都狂讚佢叻boy...wakakaka

8月19日 ~ 婆婆家食大餐

好耐冇入婆婆屋企食飯飯，佢同Mic次次都比好野我食食，好似今日又有雞雞食食．．仲有可愛既表弟同我玩，佢今日乖到竟然同我按摩，真係叻仔啦，記得下次再按耐d wor....
食完飯又有生果同cake,食到個個肚脹脹咁．．．我又可以分少少食食law....所以我至鐘意去婆婆屋企啦！

8月18日 ~ 西貢散步仔

今日天氣好焗，等到四點先決定去西貢散步仔．．．一到步有個小妹妹同佢嗲媽都好鐘意我咁，佢地以為我係女仔，緊係啦又花花又粉紅色，佢地又話我好乖，攪到亞Pat光光好開心．．
行下行下撞到Puffy一家，佢地去完船P,開心屎白肥哥仔啦，同佢地８８完，我地又行去市中心睇野，我仲叫光光買mark six添．．．Good luck ar!!!!
都行左好耐啦去食pizza啦．．．岩岩好返到屋企仲不停狂閃電．．驚驚呀！！！

8月17日 ~ Icy姐姐生日飯局

Icy姐姐就黎又大一歲啦．．．佢好乖又叻，讀書又拎獎．．．點解咁似我既．．．wakakakaka
佢妹妹言言現階段就好似我以前咁跩跩，不過又識氹人扮晒野．．真攪野！
你地唔好以為我冇去食飯wor,我係袋袋好乖呀！！
好啦我地一家同敏e預祝晴晴：生日快樂，身體健康，學業進步，開開心心！！！