8月31日 ~ 另一班貴賓到訪

May ee時時同佢兩位姐姐講亞Pat clus house個泳池好靚，所以今次帶埋佢地一齊黎游水水，由於今日係暑假最後一日，晴晴同言言仲有表弟都係９月１日開學．．．希望係開學前一日可以玩餐飽．．．May ee同埋佢兩位家姐真係客氣，又買紅酒，豬肉乾,一個奇華月餅(亞Pat指定手信)，真係多謝晒呢！！！
游完水水上黎即使開餐先．．．唱生日歌仔補祝晴晴生日怏樂，快高長大，下年又再拎學業獎．．．言言都好叻考到同家姐一間學校．．．我都唔執輸，亞Pat唔該幫我show張Dr.pet既certificate比大家睇睇．．．請叫我做陳醫生或者Dr.Chan．．．仲有我d運動比賽獎牌比大家望望．．．簡直係集文武雙存，動靜皆宜於一身．．．幾勁先＠＠
食飽飽啦．．．臨走前仲淨少少紅酒，佢地玩１５，２０飲埋佢，真攪笑！！！

8月30日 ~ 貴賓到訪

早兩日大家見我又沖涼又剪毛,同埋清潔間屋屋．．．原來今日有日本親戚到訪,佢係表弟個外婆,上幾次黎香港都冇黎過我屋企．．．所以今次要黎坐坐．．．飲完茶佢地就一班人上黎參觀．．．
您好呀"all加san"．．．你瘦左好多．．．不如教下亞Pat同婆婆減肥心得啦．．．好彩我個身仲有少少香味．．．如果唔係就失禮晒@@
之後帶"all加san"去左西貢行下，順便date埋敏e，我又可以行下玩下幾開心!!!原來"all加san"都買左份禮物比敏e...真有心．．．最後好多謝您既手信,次次都買野比我地．．．真係唔好意思....第日有機會去日本探你,您要保重．．．呢位"all加san"好識做人又醒目又開朗，我地個個都鐘意您，下年再黎探我地wor！！！
係wor...上年亞Pat整比您隻狗仔"亞腸"條紅色水玉collar set多岩用嗎?

8月29日 ~ 分工合作

呢位ee好耐冇黎打掃...你好呀...一陣亞Pat要行開一下,我留守係度陪你清潔呀...你負責抺窗,我負責抺地(用利lam lam)...都好乾淨嫁 ^U^

8月28日 ~ Grooming@Dogroom

好耐冇黎grooming啦．．．一定要修一修，亞Pat提早收工帶我去裝身，好似多兩日有貴賓到．．．
佢地一放低我走左去奇香冰室食雞絲會意粉同牛通，呢間老舖d野食真係超級好好味呢！！！
雖然亞Pat剪既技巧一般,不過我都寜願搵佢剪囉,話晒自己人冇咁驚@@...我知亞Pat一直係玻璃窗外等我...同睇實個姐姐剪成點...我好辛苦咁過左呢漫長既兩小時...攪掂．．真係修少少wor...好彩今次個頭型修返圓少少．．．好啦快d同我返屋企啦...好肚餓呀@@

8月27日 ~ Gaspard et Lisa產品

今日亞Pat食完lunch行下商場見度G&L有new items...係條sharp sharp紅色手巾仔,可以比我當scarf用wor...好野又幾醒神...仲有個零食盒添,因之前星星盒個cover有少少鬆,所以係時候換一個新啦...如果出whole day街,呢個盒仲可以放埋我d糧糧同埋當埋飯兜用...唔洗次次都將d糧糧放落膠袋度比我當飯兜用咁慘慘！！！

8月24日 ~ Let's Dog Cafe + L&A一家到訪

第一次黎呢間café玩玩，係勝利道好方便,場地都唔錯,野食飲品都好掂，不過真係好多人同狗,人來狗往好誇張...今日date左Leo & Abby　family....佢地係café好少落地地玩．．．好可惜亞Be今日唔得閒啦！！！
後尾有隻BB金毛(都好大隻下),佢聞得我太勁,咁我woo返佢,佢一手拍住我塊面,好似一隻手指卒死你果句金句咁＠＠
Ah.Dee哥哥突然話想黎拜訪我屋企，好啦好啦咁光光同我返左屋企準備一下先，今晚有三餸一湯同埋飯後沙律．．．Welcome Welcome　Leo & Abby...隨便參觀我呢隻主場狗係超級nice....原來Leo大佬好鐘意玩波波．．．開飯啦．．．佢地勁讚光光廚藝了得，好彩今次冇失準咋．．．臨走Ah.Dee哥哥好玩野放低三粒加應子比我地一家三口wor...咁客氣呀＠＠！！！

8月23日 ~ 婆婆生日

好攪野S今朝先記得同亞Pat講今晚同婆婆食生日dinner,原先林住去太婆屋企食飯，而家反而可以一齊出去慶祝．．．太婆好鐘意見到表弟，佢真係好攪笑面皮又厚，仲學太婆講鄉下話，又講得幾好．．．好啦我地祝婆婆生日快樂，身體健康，超有福氣！！！