10月29日 ~ 上雜誌

等左成個星期既周刊終於今日出版,有我同毛子既山頂合照...不過點解影到我咁樣衰咁on dog dog嫁(鬼叫我生得唔靚仔咩),不過好彩仲有多一張我既思文食相look補返數咋，但係串錯我個大名呀．．激屎！！！

10月28日 ~ 西莎禮盒

個西莎禮盒有柸柸,罐頭同書書...個盒盒上面隻白威好靚,亞Pat話用黎放我d鞋仔同scarf至岩wor...

10月26日 ~ 麵包賊

今日去左探太公太婆順便痴餐,可能太肚餓啦...S同Vicky行完山係西貢買左我至愛食既鮮奶包包,其實亞Pat每次只會比我食少少,由於佢地準備開飯要抺枱,所以將麵包放係地下,咁我咋咋啼啼行埋去咬下咬下咁就食左成個包包囉...後尾我仲喊喊想嘔,不過最終都冇嘔到,仲比亞Pat罰企左五分鐘幾樣衰呢...原來學識sit都唔係咁著數嫁...鬼叫我跩咩!!!

10月25日 ~ 償還晚餐

今日光光要去亞Mic屋企整野，任務成後亞Mic要去BBQ,咁光光突然林起有一家人掙我地一餐飯，好野今晚餐飯有著落啦．．．首先要Leo & Abby's family帶亞Pat去食綿綿冰，嘩牛奶既冰冰好soft好好味．．．唔知得幾個鐘頭咁少時間準備下你媽媽會整咩大餐比我地食呢？？所以Eva ee一陣唔同我地去散步，佢要返屋企準備今晚既大餐．．．
Dee哥哥你屋企都好大wor...環境幾舒適．．．又新淨又多公仔擺設．．．勁呀！！！今日Abby仲好熱情咁搖晒尾仔歡迎我地，而Leo大佬對我地亦好nice bor...辛苦晒Eva ee，佢煮左五餸一湯，水果仲有比我食既雞絲蛋蛋通粉，至衰光光多口講笑話要Eva ee煮五個餸試真d廚藝,真係辛苦你．．．嘩d食物又夠超水準呢yummy到脾．．．亞Pat開心屎，因為佢至鐘意多款式既住家菜呢，連光光都讚very good,真係好多謝Dee哥哥Eva ee既熱情招待．．．下次黎我地家食番餐啦！！！

10月23日 ~ On TV show

亞Pat好緊張睇有線新知台，今晚終於比佢發現有播足二分鐘我地果日既精彩片段，我比朱小姐抱住果d都有播，原來佢話我擺明見得世面多好定，所以唔鐘意對住鏡頭wor．．．wakakakaka,仲有佢都贊成狗仔要上堂．．好可惜我地冇DVD錄影機啦,如果唔係可以留番以後睇．．．不過亞Pat都好醒即刻拎起部相機對住電視狂影，所以錯過左細心欣賞既感覺．．．好彩最終比亞Pat搵到條link，大家試下click黎睇下啦．．．
http://cen.i-cable.com/webapps/news.php?selectedPage=2&start=10

10月21日 ~ 與朱茵做訪問

好榮幸朱小姐抱住我接受訪問...好彩佢都仲記得我星期一同佢影過相,佢仲讚我好乖唔吠同好cool添...不過我都好唔習慣對住個大cam,on居居咁好彩朱小姐都幫我按摩一下冇咁悶@@

10月21日 ~ Cesar Event @Pearl on the Peak

等左成個月既盛大西莎function終於來臨啦，係training centre集合一齊向山頂出發啦．．．今日好似白威旅行團一日遊咁，好開心可以其餘十隻同學仔飲飲食食，佢地係Silver, Sapphire, Mojai, Princess, 圖圖, Hibe, Tolu, 噹噹, Dum Dum, 白昏 & me係Pearl on the Peak進餐，好緊張呀．．

Demi姐今日係我同亞Pat個褓母照顧周到超水準呢．．．時間一到西莎d高層出現，佢地個個都大方高貴又有氣派，再黎朱茵姐姐，佢今日會同毛仔同枱食飯撐枱腳，毛仔你今日表演好掂好淡定好似super star咁．．．我地班狗仔有頭盆，主菜仲有甜品添，全部由西莎提供．．．

食完美味既食物，好多記者同我地影相，攪到我地好似model咁...後尾朱茵姐姐抱住我比有線訪問左十分鐘，好開心有明星抱，我仲同佢影左好多相添．．．其實係星期一佢都已經同佢仲有毛仔又係係呢間餐廳坐outside影左相，所以亞Pat同佢提返起我，佢都記得我好文靜好乖同好cool....wakakakakka...

最後我同毛仔係outside再比Eric哥哥train leave it and sit比壹周刊影,我地表演好好冇失場，亞Pat同個記者提起係2年前都係朗姐同我影catwalk fashion show嫁，因為佢當時串我笑我好似吸塵多過行show,吹呀朗姐，我都有拎獎wor...不過好開心撞返你．．．真攪笑．．．

最後要多謝Eric哥哥同Dickie姐姐係呢個月既訓練教導，我地真係獲益良多．．．同埋西莎既支持！！！