12月31日 ~ 除夕@May ee家有餐食

亞Pat同我落餐廳食左個下午茶,放我自由行一少段路,再返屋企裝身等光光返來...

今晚May ee邀請我地一家三口仲有敏e係佢屋企食餐飽．．．林起有住家飯食就超級開心．．．

Hello...澄澄言言你地又唔同樣大個左好多,兩個愈來愈似...嘩有好多餸仲有花膠湯添...May ee好好招呼,可惜亞Pat個肚唔C服唔可以食太多啦...

飯後玩Uno,言言好勁唔洗教都識玩,仲係Uno王時時嬴...勁呀...之後May ee興起教佢地打台灣牌,我只係喉e住個玩具區d波波但亞Pat唔比玩...後尾冇引頭自己係sofa度瞓瞓...

強強表現薑汁撞奶好犀利,果然好好味...今日真係獲益良多...最後食埋蛋糕,補祝敏e同言言生日快樂...
由於小朋友要早瞓,所以我地都冇等埋倒數至走...返家岩岩好係踏正2009年,望到對面海煙花真靚靚...希望新既一年祝大家:身體健康,開開心心,衣食無憂...

12月29日 ~ 終於完成了

今次亞Pat真係冇咩心機織條頸巾,織左幾個星期仲要係X'mas party前一晚整好,個Lisa公仔都係尋日臨時加上咋...林住X'mas party帶會有聖誕feel...不過個公仔好似大左少少...

尋日都有兩位姐姐讚好靚,以為亞Pat係shop買嫁...攪到佢不知幾開心...^ ^

上年織果條藍色G&L好似醒神d...可能果兩個公仔細少少好睇dd啦...唔知大家又點睇呢???

12月28日 ~ Rainy X'mas Party@Countryart

雖然過左X'mas正日但我地一班人決定今年係Countryart個roof攪X'mas party...Bob Bob一家三口第一次見我班朋友仔有Icy,Hibe,Leo,Abby,Toby,Charco,Gasper大家都相處好融洽真係好啦．．．Bob Bob好主動撩Icy,Hibe,Charco,Gasper玩玩，佢好識就住我地d細狗玩...very good boy＾＾

亞Pat之前arrange reservation好多煩野，間餐廳覆電話好慢又多要求我地班狗狗no marking and keep tidy place...of course we can clean it by our own....我地呢班人好自律嫁．．．

好彩今日見到咁靚既海景仲有班朋友仔一齊聚聚開心返晒，不過美中不足係落雨．．．佢地提供三把大遮擋雨，但我地班狗狗d腳腳濕晒lu．．．唯獨我同亞Be著左鞋仔好好多．．．不過我今日冇咩mood唔開心樣,時時係枱底好少同佢地玩．．．我cool既程度好似愈來愈犀利，亞Pat同光光話可能我遲早變成獨行俠．．．吹脹＠＠

好耐冇見Agnes & Che個mix仔仔Gabe,你真係好可愛時時笑人見人愛，做小朋友真開心簡單又易滿足．．．

最後交換禮物同抽獎．．．大家都滿載而歸．．．係時候講拜拜．．．佢地聽日又要返工咁悠閒既假期又要結束啦．．．咁我又有覺好瞓唔洗日日出街！！！

12月27日 ~ 真的要休息了

終於頂唔順亞Pat又去左睇醫生，呢兩個星期共睇左四次，有冇攪錯今日終於有抗生素食，之前２次連d藥食左都唔覺眼瞓，所以邊樹掂．．．

原先book左剪毛都要取消啦,今日等光光幫我沖涼啦．．．等我咬下羊腣補返數陪下你啦．．．亞Pat你唔好日日去街，要留係屋企休息至會快d好返...聽日仲要去party嫁！！！

12月26日 ~ Lamma Island半日遊

其實自上次亞Pat生日係Lamma Island食過地中海素菜...佢同敏e光光一直好掛住仲推介比婆婆佢地一齊坐船入黎試下．．．不過好可惜人地連休３日．．．後尾搵左間另一間餐廳可以比我入去坐．．．味道環境都唔錯真好彩咋．．．

聽人講有檔亞婆豆腐花好多人，果然好多人排隊，不過唔係真係咁好食wor．．．

仲林住行下山山,由於太多人行得好慢，所以去左洪勝爺灣睇下原來呢樹又有間餐廳對住個海，下次有機會要試一試．．．

去埋海旁散步，差不多要坐４：３０班船走啦．．．回程時敏e同亞Pat又唔太舒服可能吹到風風同唔夠休息，所以敏e冇同我地去亞Pat屋苑新開既米線餐廳食野．．．你快d返去食藥藥，亞Pat都要好好休息啦！！！