6月9日 ~ 悠閒南丫島遊

終於雨過天晴最岩去離島行下，之前我地都擔心會落雨，好彩天父識做囉．．．唔該晒
我地一行五人二狗坐三點班船去Lamma Island，風和日麗好有渡假feel,我都係第一次黎咋，入面d路窄窄，又有好多特色店舖同野食，一到步Karen ee帶我地去左南丫島第一位出名既"南島書虫"地中海菜食tea，一入到去已經好有vacation feel,食物水準又好掂，我地order左salad，pizza，fried chicken,mango cheese cake,fresh juice....樣樣都好好味，難怪係榜首啦．．．食飽行下海旁，特色店舖，食下沙嗲串同埋豆腐花，個個都已經飽晒同散晒啦．．．其實今日全全哥哥胃痛，Karen ee喉嚨痛，敏e仲牙痛添，至難得既係佢地依然幫亞Pat補祝生日，真係好感動＠＠．．．
所以我地決定坐七點班船出去teddy cafe再食過，個老闆好好人，一見度我同亞Be仲好熱情同我地玩又影相，因為佢以前都有養白威嫁，又係好cool好似我個style，所以佢一見親我地就次次都情不自禁咁又攪又抱我地．．．最後佢地仲為亞Pat安排左件生日cake for make a wish,仲有禮物收添，真係超開心又感動，最後我都要特別多謝大家為亞Pat生日既安排super excellent！！！