9月14日 ~ 借宿一宵

今日見亞Pat光光幫我執埋個籠籠,仲有床床,水樽,食物,零食,尿片．．．去邊咁大笨象呢？原來係去婆婆屋企做節順便借宿一宵．．．一到步光光幫我set好個toilet同床床，我地今晚瞓電腦房．．．
嘩．．．有好多餸仲超好味添．．．食快d一陣返表弟屋企賞月食月餅．．．表弟同我帶左螢光圈仲有兔仔燈籠一齊行去公園賞月，好熱鬧好多人，光光抱我睇天鵝，表弟踩單車，不過好熱熱，行左一陣返去佢地屋企賞月食月餅．．．好攪笑婆婆同表弟帶面具扮超人，笑屎我地啦！！！
見夜啦返去婆婆家借宿一宵，亞Pat仲煲台劇，光光瞓先．．我唔想陪亞Pat癲,所以係光光房門喊左一聲，跟住亞Pat幫我開門入房瞓瞓，好彩我都好乖咁瞓足成晚．．．Very Good Boy!!!