6月20日 ~ 一切交比Dr. Tint

尋日決定唔留院返左屋企．．．亞Pat都冇瞓所以一早帶左我落街行下，真係冇咩力氣行，返屋企又係狂飲水水．．．

後尾亞Pat嘗試打去求Dr. Tint比我睇，佢地真係好好人終於等到我啦．．．Dr. Tint話very worry of me...做左blood同urine test初部懷疑係肝有事，同埋缺水流失左大量水份，皮膚冇彈性，心臟聲大，得返5.7kg骨瘦如柴,之前7kg由於而太瘦背骨已突起少少．．．Dr幫我探肛我d便便係黑色,所以要聽日安排照ultrasound怕係腸影響肝...佢話我得五歲唔應咁差．．．唉！！！佢地可以比我留院方便聽日做ultrasound仲係免費,but亞Pat光光想我係屋企瞓得好d,今日埋單$1,390!!!

亞Pat走出診所狂咸．．．叫我要加油．．．你都要加油呀．．．我係Good Boy天父會幫我安排一個好好既治療，所以Dr.Tint一切交比你啦感激你．．．

其實遇到你同光光係一種緣份，我會努力好返同你地繼續相處每一日既開心時刻，唔好再喊啦亞Pat...　

我知道你最近為左我，光光同太婆既身體憂心忡忡，你要照顧自己身體呀，我會努力對抗病病，I promised！