一早起身食左酒店既早餐都算okay,跟住亞Pat朋友開車黎接佢地，Patrick哥哥好細心準備左乖乖，牛肉乾，葡萄乾放係車車入面比亞Pat...仲出錢出力出精神帶佢地一日遊．．．
向陽明山出發，好多年冇黎過，亞Pat光光敏e好想食蛋餅，美而美三明治，Patrick帶佢地去左山腳食，好懷念以前讀書年代食既味道，不過始終唔及以前好食．．．食飽再向山上出發，沿途欣賞美景影下相，又去食風味餐，坐樹蔭下又冇蚊又有風風吹吹好寫意，薑絲豬大腸超好味．．．
又食飽再去小油坑睇火山，行埋吊橋食下冰淇淋，嘩有隻好可愛既白色馬爾濟斯犬，亞Pat用我同佢地say hi...今日算好彩準備要走先黎變天，我地再去金山，石門影海邊，好多人影結婚相．．．
我地個個都瞓，真係辛苦晒Patrick哥哥揸足全程仲成個導遊咁又講解．．．超讚啊．．．到左漁人碼頭．．．嘩好晒呀，攪到冇咩心機行晒全程，影左幾張相就走人．．．再去淡水老街買牛肉乾飲奶茶，返埋校園同埋海 水浴場影下相．．．食埋冰冰同豆花準備去師人會合老朋友．．．
最後約左Vivian & May's family去左師大夜市食滷味，不過個滷味汁有大保酒味我地唔係太like...
個人都係比較鐘意師大夜市，S都係讀呢間學府所以影左幾張相比佢睇下．．．今日真係好疲倦行程排得濫滿滿的一天，特別謝謝Patrick從早上九點半開始載我們到晚上八點又花錢又陪上精神，大家都非常感激你呢！！！
2 則留言:
係喎, 亞pat妳好似喺台灣讀書架喎!? 我上次喺淡水見到好多狗狗呀, 你地個野菜餐凈係睇相都流口水, 我都係至like白狗! nico
Nico,
係呀我地對台灣有深厚感情，果度d人好有人情味，有人主動問我地係咪需要幫忙搵路呢,亦有人主動問要唔要幫我影相．．．
而家台灣好興踩單車旅遊，我係陽明山都好主主動同佢地講聲"加油加油"．．．hohoho
馬爾濟斯犬真係超可愛又白又QQQQQ....
個野菜餐食環境已經好滿足，大自然就是最美好的東西了．．．
TaTa真的很多謝你一直支持鼓勵，真心感激你．．．．
發佈留言